يوحنا 5:5 - ثريفيث 2020

⁵ ذِنِّي يجّن ن ومهْرُوْش ثْمنْيَا أُو ثْرَاثِين يسݣّْوُوْسَا نتَّا يهْڒش.

يوحنا 5:5 Խաչաձեւ Հղումներ

مرقس 9:21

ينَّا-ٱس عِيْسَى إِ بَابَاس ن وحنْجِير نِّي: "مشْحَاڒ زݣ وَامِي إِي ذَايس مَانَايَا؟" ينَّا-ٱس: "زݣ وَامِي يدْجَا ذ اَمزْيَان.

لوقا 13:16

ثَمْغَارْث-أَ مسْكِينَا يدْجَان زِي دُّوْرِّيث ن بْرَاهِيم يحبّس-يت شِّيطَان ثْمنْطَاش يسݣّْوُسَا، مَا وَار ذَاس نْرزّم شَا زِي ڒحْبس-أَ ذِي نْهَار ن لْعِبَادَا مَا لَّا؟"

لوقا 8:43

ذِنِّي جَار يِوْذَان نِّي يجّن ن ثمْغَارْث ثنْعَاش يسݣّْوُسَا زݣ وَامِي إِي ثهْڒش، تَازّڒ س يذَامّن. مَارَّا مِين غَارس ذ اَݣْڒَا ثْضيّع-يث خ يضْبِيبن، وَار يزمَّر حَدّ اَت يسْݣنْفَا.

يوحنا 5:14

منْبَعْد إِ مَانَاينِّي عِيْسَى يُوْفَا ونِّي يݣنْفَان اَقَاث ذِي ثمْزِيذَا ثَمقّْرَانْت ن أَيث-إِسْرَائِيل ينَّا-ٱس: "أَقَاش ثْݣنْفِيذ، وَار تݣّ بُو ڒْمُعْصِيَاث عَاوذ حمَا وَار ذَاش يتوْقِيع كْتَار زِي مِين تُوْغَا ذَايش."

يوحنا 5:4

ثْهوَّا-د يجّن ن لْمَالَائِكَا ن أَربِّـي غَار صَّرِيج نِّي ثْسنْهزَّا اَمَان نّس. ونِّي غَا يهْوَان ذ اَمزْوَارُو ذݣ وَامَان نِّي خْمِي تنْهزَّان اَتَاف اَث سْݣنْفَان زِي ڒهْڒَاش نّس مَامّش مَا يݣَّا.}

يوحنا 5:6

يُوْفِي-ث عِيْسَى يزّڒ ذِنِّي، ئِسّن قَا اَطَّاس ن ڒْوقْث زݣ وَامِي نتَّا يهْڒش. ينَّا-ٱس: "مَا ثخْسذ اَذ تݣنْفِيذ؟"

يوحنا 9:1

وَامِي تُوْغَا عِيْسَى يݣُّوْر ذݣ وبْرِيذ يُوْفَا يجّن ن ورْيَاز ذ اَضَرْغَاڒ يخْڒق-د اَمنِّي.

يوحنا 9:21

وَار نسِّين شَا مِين ذَاس يوقْعن ڒخُّو يذْوڒ يتْوَاڒَا. وَار نسِّين شَا ونِّي إِي ث يسْݣنْفَان زِي ثِيطَّاوِين نّس. سّقْسَام-ث كنِّيو، نتَّا قَا يمْغَر اَذ يسِّيوڒ نِّيث خ يِيخف نّس."

ڒخذايم 14:8

ذِي ثنْدِينْت ن لِيسْتْرَا ذِنِّي يجّن ن ورْيَاز ذ اَنشْرُوْف مُّوْثن-اَس يضَارن، زݣ وَامِي د يخْڒق عمَّارْص مَا يُوْيُوْر.

ڒخذايم 3:2

ؤُفِين ذِنِّي يجّن ن ورْيَاز ذ اَنشْرُوْف يخْڒق-د اَمنِّي. تَاوِين-ث-يذ يِوْذَان غَار ثوَّارْث ن ثمْزِيذَا ؤُمِي قَّارن <ثَوَّارْث ثَصبْحَانْت>، سْرُوْسَان-ث ذِنِّي مْكُڒ نْهَار اَذ يتَّار غَار ينِّي يتَاذْفن غَار ثمْزِيذَا ثَمقّْرَانْت.

ڒخذايم 4:22

أَرْيَاز-أَ يݣنْفَان س لْمُعْجِيزَا نِّي غَارس كْتَار زِي اَرْبعِين يسݣّْوُوْسَا.

ڒخذايم 9:33

يُوْفَا ذِنِّي يجّن ن ورْيَاز قَّارن-اَس عِيْنْيَاس، نتَّا يزّڒ ثْمنْيَا يسݣّْوُوْسَا ذِي ثَاسُّوْث مُّوْثن-اَس يضَارن.