يوحنا 5:42 - ثريفيث 2020

⁴² سّْنغ-كنِّيو بلِّي وَار ذَايْوم بُو ڒمْحِبّث ن أَربِّـي.

يوحنا 5:42 Խաչաձեւ Հղումներ

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

يوحنا 2:25

وَار يتحْذِيجِي بُو ڒشْهُوْذ خ يِوْذَان، نتَّا يعْڒم خ وُوْڒَاون نْسن.

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

يوحنا 5:41

وَار حْذِيجغ شَا اَذَايِي سمْغَارن يِوْذَان.

يوحنا 5:43

نش ؤُسِيغ-د ذݣ يِيسم ن بَابَا، كنِّيو وَار ذَايِي ثقْبِيڒم شَا. وَلَكِن، مڒَا يُوْسَا-د شَان يِجّن نّغْنِي غَارْوم ذݣ يِيسم نّس نِّيث وَاهَا اَث ثْقبْڒم.

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

يوحنا 8:47

ونِّي يدْجَان ن أَربِّـي اَتَاف نتَّا يتسْڒَا إِ وَاوَاڒن ن أَربِّـي. كنِّيو وَار تسْڒِيم شَا مِينْزِي كنِّيو وَار ثدْجِيم شَا ن أَربِّـي."

يوحنا 8:55

كنِّيو وَار ث ثسِّينم شَا، نش سّْنغ-ث. مڒَا نِّيغ ؤُڒَا ذ نش وَار ث سِّينغ شَا، أَذ يڒِيغ اَم كنِّيو ذ بُو-يخرِّيقن. وَلَكِن نش سّْنغ-ث، تݣّغ اَرَّاي إِ وَاوَاڒ نّس.

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

1 يوحنا 2:15

وَار تخْسم شَا دُّنشْت-أَ نِغ ذ مِين ذَايس يدْجَان. ونِّي يتخْسن دُّنشْت-أَ اَتَاف ڒمْحِبّث ن أَربِّـي وَار ذَايس ثدْجِي شَا.

1 يوحنا 3:17

ونِّي غَار يدْجَا وَاݣْڒَا ن دُّنشْت-أَ يتْوَاڒَا ؤُمَاس وَار غَارس شَا يتحْذَاجَا أُوْشَا يسقْسح ؤُڒ نّس خَاس، مَامّش غَا ثِيڒِي ڒمْحِبّث ن أَربِّـي ذݣ وَانِيتَا؟

1 يوحنا 4:20

ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.