يوحنا 21:12 - ثريفيث 2020

¹² ينَّا-ٱسن عِيْسَى: "أَرَاحم-د اَذ تشّم." وَار يزْعِيم ؤُڒَا ذ يجّن زݣ يمحْضَارن اَث يسّقْسَا، مِين ثعْنِيذ شك؟ ڒَاحقَّاش سّْنن قَا ذ سِيذِيثْسن.

يوحنا 21:12 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:46

ؤُڒَا ذ يجّن وَار يزمَّر اَخَاس يَرّ شَا ن وَاوَاڒ. أُو زِي نْهَار نِّي وَار يزْعِيم حَدّ اَث يسّقْسَا عَاذ كْتَار.

مرقس 9:32

وَلَكِن نِثْنِي وَار فْهِيمن شَا إِ وَاوَاڒ نِّي، ݣّْوْذن اَث سّقْسَان خ مِين ذَاسن ينَّا.

لوقا 9:45

وَلَكِن نِثْنِي وَار فهِيمن شَا إِ وَاوَاڒ نِّي، ئِقْسح خَاسن حمَا اَذ فهْمن، ݣّْوْذن اَث سّقْسَان خ مِين ذَاسن ينَّا.

يوحنا 16:19

ئِسّن عِيْسَى قَا رزُّوْن اَث سّقْسَان، أُوْشَا ينَّا-ٱسن: "مَايمِّي تْسقْسَام اَيَاوْيَا خ وَاوَاڒ إِي ذَاوم نِّيغ: <شْوِيت ن ڒْوقث وَار ذَايِي ثْࢲرّم شَا، شْوِيت ن ڒْوقْث عَاذ اَذَايِي ثࢲرم>؟

يوحنا 21:11

ئِنْيَا سِمْعَان بُطْرُس يجْبذ-د ثْرَاشَّا نِّي غَار ڒْبَرّ، ذَايس مِيَّا و ثْڒَاثَا و خمْسِين ن يسڒْمَان ذ يمقّْرَانن. قَاع مَانَايَا، وَار ثقَّارس شَا ثْرَاشَّا نِّي.

يوحنا 21:15

وَامِي ريّْقن، ينَّا-ٱس عِيْسَى إِ سِمْعَان بُطْرُس: "آ سِمْعَان آ مِّيس ن يُوْحَنَّا، مَا تْحِبِّيذ-اَيِي كْتَار زِي يِيْنَا؟" ينَّا-ٱس سِمْعَان بُطْرُس: "وَاه آ سِيذِي، شَك ثسّْنذ قَا نش تخْسغ-ش." ينَّا-ٱس عِيْسَى: "سشّ يزْمَارن ينُو."

يوحنا 4:27

وَامِي د عقْبن يمحْضَارن نّس، تْعجّْبن وَامِي ث ؤُفِين يسَّاوَاڒ اَك يِجّن ن ثمْغَارْث. وَلَكِن وَار ذَاس ينِّي ؤُڒَا ذ يجّن مِين غَارس ثْرزُّوذ غَار ثَا؟ نِغ، مَايمِّي إِي كِذس ثسَّاوَاڒذ؟

ڒخذايم 10:41

مَاشِي يسْمظْهَار-يث-يذ أَربِّـي إِ مَارَّا شَّعْب؛ لَّا، ئِسْمظْهَار-يث-يذ إِ ڒشْهُوْذ إِي يخْضَر زِي قْبڒ يعْنِي نشِّين إِي كِذس يشِّين إِي كِذس يسْوِين وَامِي د يكَّر زِي ڒْموْث.