يوحنا 18:19 - ثريفيث 2020

¹⁹ ئِبْذَا اَرَّايس ن ڒْفُقَهَا يتْسقْسَا عِيْسَى خ يمحْضَارن نّس ذ مِين يسڒْمَاذ.

يوحنا 18:19 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 26:57

يِنِّي يطّْفن عِيْسَى ؤُوِين-ث غَار اَرَّايس ن ڒْفُقَهَا قَّارن-اَس قِيَافَا. مُوْنن اَكِذس يمقّْرَانن ن أَيث-إِسْرَائِيل ذ يمْسڒْمَاذن ن شَّرِيعَا.

مرقس 14:53

ؤُوِين عِيْسَى غَار اَرَّايَس ن ڒْفُقَهَا. مُوْنن اَكِذس مَارَّا اَرُّوْيَاس ن ڒْفُقَهَا، ذ يمقّْرَانن ن أَيث-إِسْرَائِيل، ذ يمْسڒْمَاذن ن شَّرِيعَا.

لوقا 20:20

بْذَان يمْسڒْمَاذن نِّي ن شَّرِيعَا ذ اَرُّوْيَاس ن ڒْفُقَهَا حطَّان عِيْسَى، رزُّوْن اَث طّْفن خ شَان وَاوَاڒن نّس حمَا اَث سلّْمن إِ لْحَاكم ذ سُّلْطَا نّس. رُوْحن سّكّن-اَس إِ عِيْسَى شَان يِوْذَان سْنعْمِيڒن اَقَاثن نِيشَان وَلَكِن نِثْنِي ذ يبرْݣَاݣن.