يوحنا 16:11 - ثريفيث 2020

¹¹ أُو غَلْطن خ لْحِسَاب مِينْزِي لْمُفْسِيد نِّي اَمقّْرَان ن دُّنشْت-أَ يتْوَاحْكم.

يوحنا 16:11 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:18

<ذ وَانِيتَا ذ اَخدَّام ينُو إِݣ يخْضَرغ، ونِّي إِي خَافِي يعِيزّن إِي خف اَرْضِيغ. أَذَايس ݣّغ أَرُّوْح يقدّْسن، أَذ يخبَّار يِنِّي زِي ڒݣْنُوْس س ڒْحَقّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:36

أَذَاوم ينِيغ: أَقَا يُوْم لْحِسَاب ذ لْعِقَاب اَذ تْوَاحَاسْبن يِوْذَان خ مْكُڒ اَوَاڒ يخْوَان إِي سِّيوْڒن.

لوقا 10:18

ينَّا-ٱسن عِيْسَى: "تُوْغَا تْوَاڒِيغ شِيطَان يوْضَا-د زݣ وجنَّا مَامش د يوطَّا ڒْبَرْق.

يوحنا 12:31

ڒخُّو اَذ تْوَاعَاقب دُّنشْت-أَ. ڒخُّو لْمُفْسِيد نِّي اَمقّْرَان ن دُّنشْت-أَ اَخَاس اَزّْڒن.

يوحنا 14:30

وَار كِذْوم سِّيوِيرغ شَا نش عَاذ اَطَّاس مِينْزِي لْمُفْسِيد نِّي اَمقّْرَان ن دُّنشْت-أَ يتَاس-د. وَار غَارس بُو ثْزمَّار خَافِي.

يوحنا 16:12

غَارِي اَطَّاس ن ثْمسْڒَايِين اَذَاوم ثنْت ينِيغ، وَلَكِن ڒخُّو قسْحنْت خَاوم.

ڒخذايم 10:42

نشِّين يوصَّا-يَانغ عِيْسَى اَ نْبشَّر شَّعْب، أَ نشْهذ بلِّي أَربِّـي يخْضَر-يث اَذ يحَاسب يِنِّي يدَّرن ذ يِنِّي يمُّوْثن.

ڒخذايم 24:25

وَامِي يسِّيوڒ بُوْلُس خ مِين يدْجَان نِيشَان، ذ مَامّش غَا يحْكم بْنَاذم خ يِيْخف نّس، ذ يُوْم لْحِسَاب ذ لْعِقَاب إِي د غَا يَاسن أُوْشَا ئِنخْڒع فِيلِيكْس ينَّا-ٱس: "صَافِي ڒخُّو، عْقب. خْمِي غَارِي غَا ثِيڒِي لْفُرْصَا اَخَاك د ڒَاغِيغ."

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-كولوس 2:15

أَربِّـي يكّس ثِزمَّار نِّي ن يِنِّي يحكّْمن ذ يِنِّي يجهْذن يَارِّي-ثن اَخَاسن فُوْرّْجن يِوْذَان يفْضح-يثن يرْبح-يثن خ صَّلِيب.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

يعيبرانيين 6:2

نِغ خ يبْرِيذن بَاش اَذ تْوَاطهَّارن يِوْذَان س وَامَان، نِغ خ مَامّش غَا نݣّ أَ نْسرْس يفَاسّن نّغ خ يِوْذَان، نِغ خ لْقِيَامَا ن يمتِّينن، نِغ خ لْحِسَاب نِّي وَار يفنِّين شَا.

يعيبرانيين 9:27

ڒْموْث يتْمتَّا-ت بْنَاذم يجّن ن ثْوَاڒَا، ثُمَّا يذفَّار-يت لْحِسَاب ذ لْعِقَاب.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.