يوحنا 14:23 - ثريفيث 2020

²³ ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 14:23 Խաչաձեւ Հղումներ

يوحنا 14:21

ونِّي غَار دْجَانْت ڒُوْصِيَاث ينُو يخدّم زَّايْسنْت، أَتَاف يتْحِبَّا-اَيِي. ونِّي ذَايي يتْحِبَّان، أَتَاف اَث يحِبّ ؤُڒَا ذ بَابَا. أَث حِبّغ ؤُڒَا ذ نش، أَذَاس د سْمظْهَارغ يخف ينُو."

يوحنا 14:15

مڒَا تْحِبِّيم-اَيِي كنِّيو، ݣّث زِي ڒُوْصِيَاث ينُو.

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

1 يوحنا 4:4

كنِّيو آ يحنْجِيرن، زِي أَربِّـي إِي ثدْجَام. ئِثَرَّاسن-أَ ثْغڒْبم-ثن ڒَاحقَّاش ونِّي يدْجَان ذَايْوم يمْغَر خ ونِّي يدْجَان ذِي دُّنشْت-أَ.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

يوحنا 10:30

نش ذ بَابَا ذ يجّن."

يوحنا 6:56

مَارَّا ونِّي غَا يشّن دَّات ينُو اَذ يسو يذَامّن ينُو، أَتَاف اَذ يقِّيم ذَايِي، نش ذَايس.

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

لواحي ن يوحنا 21:22

وَار ࢲْرِيغ شَا ثَمْزِيذَا ثَمقّْرَانْت ذِي ثنْدِينْت نِّي، مَايمِّي؟ لِأَنَّا سِيذِي أَربِّـي إݣ يزمَّرن إِ كُڒْشِي اَك يِزْمَار نِثْنِي إِݣ يدْجَان ذ ثَمْزِيذَا-يَا ثَمقّْرَانْت.

لواحي ن يوحنا 22:3

زِي سّنِّي اَڒ ثْسَاونْت وَار ذِنِّي تِيڒِي بُو نَّعْڒث. لْعَرْش ن أَربِّـي ذ يِزْمَار اَذ يِيڒِي ذِي ثنْدِينْت-أَ، أَث عبْذن لْعِبَاد نّس.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

يوحنا 14:24

ونِّي وَار ذَايِي يتْحِبِّين، أَتَاف وَار يخدّم شَا زݣ وَاوَاڒ ينُو. أَوَاڒن-أَ إِي تسْڒَام وَار دْجِين شَا ينُو لَّا، ن بَابَا إِي ذَايِي-د يسّكّن.

يوحنا 15:10

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

يوحنا 16:27

مِينْزِي بَابَا س يِيخف نّس يتحِبَّا-كنِّيو وَامِي ذَايِي ثْحِبّم ثُوْمْنم بلِّي نش فّْغغ-د زِي أَربِّـي.

أيث-ؤفسوس 3:17

حمَا لْمَسِيح اَذ يزْذغ ذݣ وُوْڒَاون نْوم س لْإِيمَان. تتَّارغ إِ أَربِّـي عَاوذ اَذ تْوَاࢲُّوْم اَذ تُوْوْثم مْلِيح يࢲوْرَان ذݣ وشَاڒ ن ڒمْحِبّث

1 يوحنا 2:5

وَلَكِن ونِّي إِݣ يتْطَاعَان إِ وَاوَاڒ نّس، أَقَا وَانِيتَا ذ صَّح ثجِّيون زَّايس ڒمْحِبّث ن أَربِّـي. مَامّش غَا نݣّ نشِّين أَ نسّن إِلَّا نْزدّغ ذَايس؟

1 يوحنا 5:3

لِأَنَّا ذ ثَا ذ ڒمْحِبّث ن أَربِّـي يعْنِي نتْطَاعَا إِ ڒُوْصِيَاث نّس. أُو ڒُوْصِيَاث-أَ نّس وَار خَانغ تذْقِيڒنْت شَا.

2 يوحنا 1:6

إِيوَا اَمُّو إِي ثدْجَا ڒمْحِبّث يعْنِي أَ نݣُّوْر عْلَاحْسَاب ڒُوْصِيَاث نّس. ڒُوْصِيّث-أَ نتَّاث ذ ثنِّي تُوْغَا ثسْڒِيم زݣ ومزْوَارُو. وَا اَمُّو يتْخصَّا اَذَايس ثݣُّوْرم.

لواحي ن يوحنا 21:3

سْڒِيغ إِ يِجّن ن ثْمِيجَّا زِي لْعَرْش ثقَّار س جّْهذ: "أَقَا ثَزدِّيغْث ن أَربِّـي اَك يِوْذَان، أَذ يزْذغ جَارَاسن اَذ يڒِين ذ شَّعْب نّس. أَربِّـي س يِيخف نّس اَكِذْسن يِيڒِي، أُو عَاوذ اَذ يِيڒِي ذ أَربِّـي نْسن.