يوحنا 12:16 - ثريفيث 2020

¹⁶ ئِمحْضَارن نّس وَار فْهِيمن شَا إِ ثْمسْڒَايِين-أَ ذݣ ومزْوَارُو. وَلَكِن وَامِي يتْوَارْفع عِيْسَى عَاذ إِي د فكَّرن مَانَايَا يُوْرَا خَاس ذِي لْكِتَاب بلِّي يوْقع-اَس.

يوحنا 12:16 Խաչաձեւ Հղումներ

مرقس 16:19

ئِسِّيوڒ اَكِذْسن سِيذِيثْنغ عِيْسَى سّنِّي يتْوَارْفع غَار وجنَّا يقِّيم خ وفُوْسِي ن أَربِّـي.

مرقس 9:32

وَلَكِن نِثْنِي وَار فْهِيمن شَا إِ وَاوَاڒ نِّي، ݣّْوْذن اَث سّقْسَان خ مِين ذَاسن ينَّا.

لوقا 18:34

ئِمحْضَارن نِّي وَار فْهِيمن وَالُو زݣ وَاوَاڒن-أَ. ڒْمَعْنَا ن وَاوَاڒن-أَ ينُوْفَّر خَاسن، وَار سِّينن شَا مِينْخف يسَّاوَاڒ.

لوقا 24:25

ينَّا-ٱسن عِيْسَى: "آ يِنِّي وَار يفْهِيمن شَا! آ يِنِّي وَار يتِيمْنن شَا ذغْيَا ذِي مَارَّا مِين نَّان لْأَنْبِيَا!

لوقا 24:45

ڒخْدّنِّي يرْزم عِيْسَى ڒَعْقُوْڒَاث نْسن حمَا اَذ فهْمن لْكُتُب.

لوقا 9:45

وَلَكِن نِثْنِي وَار فهِيمن شَا إِ وَاوَاڒ نِّي، ئِقْسح خَاسن حمَا اَذ فهْمن، ݣّْوْذن اَث سّقْسَان خ مِين ذَاسن ينَّا.

يوحنا 12:23

ئِنْدق-د عِيْسَى ينَّا-ٱسن: "ثُوْسَا-د ڒْوقْث اَذ يتْوَارْفع مِّيس ن بْنَاذم.

يوحنا 14:26

لْمُعَاوِن نِّي نتَّا ذ أَرُّوْح يقدّْسن، أَثِيذ يسّكّ بَابَا عْلَاحْسَاب يسم ينُو اَذَاوم يسڒْمذ كُڒْشِي اَكنِّيو يسْفكَّر مَارَّا مِين ذَاوم نِّيغ.

يوحنا 16:4

قَا نِّيغ-اَوم ثِمسْڒَايِين-أَ ڒخُّو بَاش مڒْمِي د غَا ثَاس ڒْوقْث، أَذ تْعَقْڒم بلِّي نِّيغ-اَوم-ثنْت نش. ذݣ ومزْوَارُو وَار ذَاوم نِّيغ شَا ثِمسْڒَايِين-أَ مِينْزِي نش اَقَايِي اَكِذْوم.

يوحنا 17:5

سمْغَار-اَيِي ڒخُّو اَكِذش آ بَابَا س لْعَظَمَا نِّي تُوْغَا غَارِي وَامِي دْجِيغ اَكِذش قْبڒ مَا ٱذ تِيڒِي دُّنشْت.

يوحنا 2:22

وَامِي د يكَّر زِي ڒْموْث، فكَّرن يمحْضَارن نّس مِين ذَاسن ينَّا، ؤُمْنن زِي لْكِتَاب ذ وَاوَاڒ إِي ينَّا عِيْسَى.

يوحنا 7:39

مَانَايَا ينَّا-ث خ أَرُّوْح يقدّْسن إِي غَا يقبْڒن يِنِّي زَّايس يُوْمْنن. أَرُّوْح يقدّْسن عَاذ وَار ثِيذ يُوْشِي شَا مِينْزِي عِيْسَى عَاذ وَار يتْوَارْفع شَا.

ڒخذايم 2:33

وَامِي يتْوَارْفع غَار وفُوْسِي ن أَربِّـي، ئِيْسِي زِي بَابَاس أَرُّوْح يقدّْسن إِي زِي ث يوْعذ، ئِسْفَرغ-د عِيسَى مَانَايَا إي تْوَاڒَام ڒخُّو ذ مَانَايَا إي ثسْڒَام.

ڒخذايم 2:36

إِيوَا كنِّيو يتْخصَّا اَذ تسّْنم مَارَّا أَيث-إِسْرَائِيل مبْڒَا شّكّ، قَا عِيْسَى-يَا وَانِيتَا إِي ثْصلّْبم يݣِّي-ث أَربِّـي ذ سِيذِيثْنغ ذ لْمَسِيح."

ڒخذايم 3:13

لَّا، ذ أَربِّـي ن ڒجْذُوْذ نّغ يعْنِي أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يعْقُوْب. لِأَنَّا ذ نتَّا إِي د يسْبيّْنن لْعَظَمَا نّس ذݣ وخدَّام نّس عِيْسَى. وَلَكِن ذ كنِّيو إي ث يسلّْمن إ لْحُكَّام ثنْكَرم-ث زَّاث إِ بِيلَاطُوْس وَامِي تُوْغَا يرزُّو اَذَاس يضْڒق.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.