يوحنا 10:3 - ثريفيث 2020

³ أَعسَّاس ن ڒْكُوْرِي اَذَاس يرْزم ثَوَّارْث إِ ونِّي إِي يَروّْسن، ئِحُوْڒِيْين نّس تسْڒَان إِ صُّوْت نّس. ئِتْڒَاغَا خ يحُوْڒِيْين نّس س يِيسمَاون نْسن، أَثن يسُوْفغ.

يوحنا 10:3 Խաչաձեւ Հղումներ

يوحنا 10:14

نش ذ ونِّي إِي ثن يَروّْسن ذ صَّح. سّْنغ يحُوْڒِيْين ينُو يحُوْڒِيْين ينُو سّْنن-اَيي، مَامّش ذَايي يسّن بَابَا نش سّْنغ-ث. ثُوْذَارْث ينُو، تْصدَّاقغ-ت خ يحُوْڒِيْين ينُو.

يوحنا 10:16

غَاري يحُوْڒِيْين نّغْنِي وَار دْجِين شَا ذِي ڒْكُوْرِي-يَا، ئِتخصَّا-ٱيي اَثن د اَوِيغ. أَذ سْڒن إِ صُّوْت ينُو اَذ تِيڒِي ذ يجّن ن ثْحِيمرْث ذ يجّن إِي ثن غَا يَروْسن.

يوحنا 10:4

أَذ يسُوْفغ مَارَّا يحُوْڒِيْين نّس يݣُّوْر زَّاثْسن، ئِحُوْڒِيْين نِّي ذفَّارن-ث مِينْزِي سّْنن صُّوْت نّس.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

يوحنا 6:45

أَمُّو إِي يُوْرَا يجّن زِي لْأَنْبِيَا: <مَارَّا اَذ ڒمْذن زِي أَربِّـي.> مَارَّا ؤُو إِي س يسْڒِين إِ بَابَا اَذ يڒْمذ زَّايس اَتَاف اَغَارِي د يَاس.

أيث-روما 8:30

ثُمَّا يِنِّي إِي تُوْغَا يزمّم زِي قْبڒ، ئِڒَاغَا-د خَاسن. ثُمَّا يِنِّي ؤُمِي د يڒَاغَا، ئِسمْصْڒَاح-يثن اَكِذس. ثُمَّا يِنِّي يسمْصْڒَاح اَكِذس، يُوْشَا-اَسن اَمْشَان ذِي لْعَظَمَا نّس.

1 أيث-كورينث 16:9

أَقَا ثْنُوْرْزم-اَيِي-د يجّن ن ثوَّارْث ذ ثَمقّْرَانْت إِ ڒْخذْمث وَلَكِن يِنِّي إِݣ يتْعَارَّاضن اَقَاثن مُوْجُوْدِين.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-كولوس 4:3

ذِي نّفْس ن ڒْوقْث تَّارم-اَس إِ أَربِّـي خَانغ بَاش اَذ يرْزم ثَوَّارْث إِ وَاوَاڒ نّغ أَ نْبشَّر س ڒْمَعْنَا ينُوْفَّرن ن لْمَسِيح إِي خف إِي دْجِيغ نش ذِي ڒحْبس.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

1 يوحنا 4:6

نشِّين زِي أَربِّـي إِي ندْجَا. ونِّي يسّْنن أَربِّـي يتْصنَّاط-اَنغ. ونِّي وَار يدْجِين شَا زِي أَربِّـي وَار ذَانغ يتْصنِّيط شَا. س مَانَايَا إِي غَا نسّن أَرُّوْح ن لْحَقِيقَا ذ اَرُّوْح ن يخَرِّيقن.

3 يوحنا 1:14

لَّا، تْمنِّيغ اَش ࢲْرغ ذغْيَا ڒخْدّنِّي أَ نسِّيوڒ اَغمْبُوْب ذݣ وغمْبُوْب.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

لواحي ن يوحنا 3:20

قَا نش بدّغ زَّاث إِ ثوَّارْث سْقرْقُوْبغ. مڒَا يسْڒَا شَان يجّن إِ ثْمِيجَّا ينُو قَا اَذ يرْزم ثَوَّارْث، أَتَاف اَغَارس اَذْفغ اَكِذس شّغ اَكِذِي يشّ.

لواحي ن يوحنا 7:17

ڒَاحقَّاش يزْمَار إِي يدْجَان ذِي ڒْوسْط ن لْعَرْش اَثن يَرْوس، اَثن يَاوِي اَكِذس غَار مَانِي دْجَان ڒَعْنَاصر ن وَامَان ن ثُوْذَارْث. أَربِّـي اَذ يمْسح كُڒ اَمطَّاو زِي ثِيطَّاوِين نْسن."