يوحنا 10:24 - ثريفيث 2020

²⁴ مُوْنن خَاس يسْرَائِيلِيْين نَّان-اَس: "أَڒ مڒْمِي ش غَا نْرَاجَا؟ مڒَا شك ذ لْمَسِيح، إِنِي-يَانغ-ث نِيشَان!"

يوحنا 10:24 Խաչաձեւ Հղումներ

يوحنا 1:19

ذ ثَا ذ شْهَاذث ن يَحْيَى وَامِي غَارس د سّكّن يسْرَائِيلِيْين شَان ن ڒْفُقَهَا ذ شَان ن شُّرْفَا ن أَيْث-لَاوِي زِي ثنْدِينْت ن لْقُدْس حمَا اَث سّقْسَان نَّان-اَس مِين ثعْنِيذ شك؟

يوحنا 8:53

مَا شك كْتَار زِي جدِّيثْنغ بْرَاهِيم ذ لْأَنْبِيَا نِّي يمُّوْثن؟ مِين ثْحسّْبذ يخف نّش؟"

يوحنا 8:25

نَّان-اَس: "مِين ثعْنِيذ؟" ينَّا-ٱسن عِيْسَى: "نش ذ ونِّي مِيخف ذَاوم سَّاوَاڒغ زݣ ومزْوَارُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:3

حمَا اَذَاس ينِين: "مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟"

22 أيث-كورينث 3:12

إِذن، مڒَا غَارْنغ يجّن ن لْأَمَال اَم وَانِيتَا اَتَاف غَارْنغ يجّن ن زْعَامث.

يوحنا 16:25

سِّيوْڒغ-اَوم مَانَايَا س ڒمْعَانِي. أَذ د تَاس يجّن ن ڒْوقْث وَار كِذْوم سِّيوِيڒغ شَا س ڒمْعَانِي. أَذَاوم خبَّرغ خ بَابَا س وَاوَاڒن نِيشَان بْڒَا ڒمْعَانِي.

يوحنا 9:22

نَّان لْوَالِدِين نّس اَمنِّي مِينْزِي ݣّْوْذن زݣ يمقّْرَانن ن أَيث-إِسْرَائِيل. تُوْغَا يمقّْرَانن نِّي تَافْقن بلِّي ونِّي غَا يشهْذن عِيْسَى ذ لْمَسِيح، أَث طرْدن زِي ثمْزِيذَا.

لوقا 3:15

قَاع يوْذَان نِّي تْرَاجَان لْمَسِيح تْفكَّرن ذݣ وُوْڒ نْسن يَحْيَى مَا نتَّا ذ لْمَسِيح مَا لَّا.

مرقس 8:32

ئِسِّيوڒ اَكِسن نِيشَان خ مَانَايَا. ئِسْبعّذ-يث بُطْرُس ينْهَا-ث.

يوحنا 10:31

ئِسْرَائِيلِيْين نِّي يْسِين-د عَاوذ يزْرَا اَث رجْمن.

يوحنا 10:33

نَّان-اَس يسْرَائِيلِيْين: "وَار ش نْرجّم شَا خ ڒْخذْمث يصبْحَان؛ لَّا، أَش نرْجم وَامِي ثنِّيذ لْبُهْتَان خ أَربِّـي. قَا شك ذ بْنَاذم، ثَارِّيذ يخف نّش ذ أَربِّـي."