ثبرات غار يعقوب 3:15 - ثريفيث 2020

¹⁵ نُّوْع ن ڒفْهَامث-أَ وَار د تْهوِّي شَا زݣ وجنَّا؛ لَّا، نتَّاث ن دُّنشْت-أَ ن يِوذَان ن شِّيطَان.

ثبرات غار يعقوب 3:15 Խաչաձեւ Հղումներ

لوقا 16:8

بَاب ن شِّي يشكَّر اَوقَّاف نّس ذِي يدْجَا لْحِيلَا خ ڒفْطَانث نّس. شُوْف، ثَارْوَا ن زْمَان-أَ ذَايْسن ڒفْطَانث جَارَاسن كْتَار زِي ثَارْوَا ن نُّوْر.

يوحنا 3:17

أَربِّـي وَار د يسّكّ شَا مِّيس غَار دُّنشْت حمَا اَذ يحَاسب يوْذَان؛ لَّا، يسّكّ-يث-يذ حمَا اَزَّايس يسنْجم يوْذَان.

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

ڒخذايم 13:10

ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟

أيث-روما 1:22

حسّْبن خ يِيخف نْسن ذ يمِيغِيسن، نِثْنِي ذوْڒن ذ يبُوْهَاڒِيْين.

1 أيث-كورينث 1:27

وَلَكِن أَربِّـي يخْضَر مِين يدْجَان ذ ثُوْبُّوهْڒِيَا غَار يِوْذَان ن دُّنشْت-أَ حمَا اَذ يفْضح يِنِّي يتفْهَامن زَعْمَا. ئِخْضَر أَربِّـي مِين يضعْفن ذِي دُّنشْت-أَ حمَا اَذ يفْضح يِنِّي يجهْذن.

1 أيث-كورينث 2:14

بْنَاذم عَادِي يتَاݣِي اَذ يقْبڒ ثِمسْڒَايِين ن اَرُّوْح ن أَربِّـي، غَارس مَانَايَا ذ ثُوْبُّوْهْڒِيَا وَاهَا. وَار يزمَّر شَا اَثنْت يفْهم، لِأَنَّا س اَرُّوْح ن أَربِّـي وَاحْذس إِي ثنْت غَا يميّز.

1 أيث-كورينث 3:19

شُوْف، ڒفْهَامث ن دُّنشْت-أَ نتَّاث ذ ثُوْبُّوْهْڒِيَا وَاهَا غَار أَربِّـي. لِأَنَّا يقَّار لْكِتَاب: <نتَّا يطّف يمِيغِيسن ذݣ يخَارْوِيضن نْسن.>

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

2 أيث-سلونيك 2:9

لْمسْخُوْط-أَ وَانِيتَا اَذ د يمظْهَار ذِي دُّنشْت-أَ عْلَاحْسَاب ڒخْذَايم ن شِّيطَان س مَارَّا ثِزمَّار ذ لْبُرْهَانَاث ذ ڒَعْجَايب يسْخَرِّيقن

1 تيموتاوس 4:1

فَا يقَّار أَرُّوْح يقدّْسن نِيشَان بْڒَا شّكّ ذݣ وُوْسَّان-أَ ينݣُّوْرَا اَذ سمْحن شَا ن يِوْذَان ذِي لْإِيمَان نِيشَان اَذ ݣّن اَرَّاي إِ جْنُوْن يغدَّارن ذ مِين سڒْمَاذن شَّيَاطِين.

ثبرات غار يعقوب 1:17

مَارَّا ثِمُوْشَا ثِيصبْحَانِين ذ لْهَدِيَاث يكمْڒن تكّنْت-يد زݣ وجنَّا، تَاسنْت-يد زِي أَربِّـي بَابَاس ن نُّوْر. نتَّا وَار يتْبدِّيڒ شَا اَم ثِيڒِي نِّي إِݣ يݣُّوْرن.

ثبرات غار يعقوب 1:5

مڒَا شَان يِجّن زَّايْوم يتْخصَّا-يَاس ڒفْهَامث، أَذَاس ت يتَّار إِ أَربِّـي نتَّا اَذَاس ت يُوْش. مِينْزِي نتَّا يفَاسّن نّس رزّْمن وَار يتْحݣَّر حَدّ.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

ثبرات زي يهوذا 1:19

إِيوَا نِثْنِي ذ يِيْنَا إِي كنِّيو يفَرّْقن، ذَايْسن اَرُّوْح ن دُّوشْت-أَ وَاهَا وَار ذَايْسن شَا أَرُّوْح يقدّْسن.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 2:24

أَمَّا كنِّيو نّغْنِي إِي يدْجَان ذِي ثِيَاتْرَا وَار ثقْبِيڒم شَا تَّعْلِيم نِّي وَار ثسِّينم شَا مَانَاينِّي ؤُمِي قَّارن يِوْذَان <لْأَسْرَار ن شِّيطَان يُودْجْغن.> قَّارغ-اَوم نش وَار خَاوم تݣّغ بُو شَا ن دْقڒ نّغْنِي.

لواحي ن يوحنا 9:11

أَزدْجِيذ نْسنْت نتَّا ذ لْمَلَاك ن ڒَادْجغ بْڒَا ڒَاحدّ، س لْعِبْرِيَا قَّارن-اَس أَبَدُّوْن، س ثْيُوْنَانِيث قَّارن-اَس أَبُوْلْيُوْن.