ثبرات غار يعقوب 2:17 - ثريفيث 2020

¹⁷ لْإِيمَان نّش اَمنِّي مڒَا وَار د يسْبيّن شَا ڒخْذَايم نّس يتْوَاحْسَاب يمُّوْث.

ثبرات غار يعقوب 2:17 Խաչաձեւ Հղումներ

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

1 أيث-كورينث 13:3

نش مَعْلِيك صدّْقغ مَارَّا مِين غَارِي ذ اَݣْڒَا، مَعْلِيك سلّْمغ يخف ينُو اَذ سْحرْقن دَّات-أَ، إِڒِي نش وَار ربْحغ وَالُو مڒَا وَار تْحِبِّيغ شَا.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

ثبرات غار يعقوب 2:14

آي أَيثْمَا، مِين ث غَا ينفْعن بْنَاذم مڒَا يقَّار نش ذ ڒْمُوْمن وَلَكِن ڒخْذَايم نّس وَار د تسْبيِّيننْت شَا بلِّي نتَّا ذ ڒْمُوْمن؟ مَا ذ لْإِيمَان-أَ إِي ث غَا يسْنجْمن؟ لَّا عمَّارْص!

ثبرات غار يعقوب 2:26

شُوْف، دَّات ن بْنَاذم بْڒَا بُوْحْبڒ ثمُّوث، أَمنِّي لْإِيمَان بْڒَا ڒخْذَايم يمُّوْث.