ثبرات غار يعقوب 1:21 - ثريفيث 2020

²¹ بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.

ثبرات غار يعقوب 1:21 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:5

سَّعْذ نْسن إِ يِنِّي يدْجَان ذ دْرَاوش، أَقَا اَذ وَرْثن دُّنشْت.

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

ڒخذايم 10:33

إِيوَا خ مَانَايَا إِي غَارك د سّكّغ ذغْيَا، ثݣِّيذ مْلِيح وَامِي د ثُوْسِيذ. نشِّين ڒخُّو مَارَّا اَقَانغ نحْضَار زَّاث إِ أَربِّـي بَاش أَ نْصنّط مَارَّا مِينْزِي شك يوصَّا سِيذِي أَربِّـي."

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 11:17

شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

1 أيث-كورينث 15:2

أَقَا ثْنجّْمم زَّايس وَامِي ذَايس تطّْفم مْلِيح ذݣ وَاوَاڒ ن تّبْشِير نِّي ونِّي إِي زِي كنِّيو بشَّرغ. مڒَا لَّا، زَعْمَا لْإِيمَان نْوم ثسْبطّْڒم-ث.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-ؤفسوس 4:25

إِذن لَابُد كُڒ يجّن زَّايْوم اَذ يبعّذ زݣ يخرِّيقن اَذ يسِّيوڒ س ڒْحَقّ اَك وَاجَّار نّس لِأَنَّا نشِّين مَارَّا ذ يجّن ن جْمَاعث إِي ندْجَا.

أيث-ؤفسوس 5:4

أُو لَابُد عَاوذ وَار يتِيڒِي شَا جَارَاوم اَوَاڒ اَعفَّان نِغ ذ وَاوَاڒ يخْوَان نِغ ذ نُّكْتَا ذ ثَعفَّانْت؛ لَّا، ئِتْخصَّا اَذ يِيڒِي شُّكر إِ أَربِّـي.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

ثبرات غار تيتوس 2:11

شُوْف، أَرْضَا ن أَربِّـي يتْمظْهَار-اَسن-د إِ مَارَّا يوْذَان يتَاوِي-ثن غَار مَانِي غَا تْوَاسْنجْمن.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 2:3

ڒخُّو اَسنْجم نّغ يمْغَارن، مَامّش إِي غَا نݣّ أَ ننْجم زِي لْعِقَاب يعْنِي مڒَا نغْفڒ خ وسنْجم-أَ؟ أَوَاڒ ن وسنْجم-أَ يبْشَر-يث-يذ ذ اَمزْوَارُو سِيذِيثْنغ، ثُمَّا شهْذن خَاس يِنِّي إِي ذَاس يصنّْطن سِّيوْضن-ث-يذ إِ نشِّين.

يعيبرانيين 4:2

لِأَنَّا ڒخْبَار-أَ ن ڒْخِير إِي ذَانغ د يتْوَابشَّرن إِ نشِّين، ؤُڒَا ذ ڒجْذُوْذ نّغ تْوَابشَّرن زَّايس. وَلَكِن وَار سْتنْفِيْعن شَا زَّايس وَامِي ؤُݣِين اَزَّايس اَمْنن.

ثبرات غار يعقوب 4:8

أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 بطرس 1:9

أَقَا كنِّيو ثْقبّْڒم لْغَرَض ن لْإِيمَان نْوم يعْنِي اَذ ينْجم ڒَعْمَار نْوم.

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.