25 وَار يُوْذِيف شَا ذݣ وجنَّا بَاش اَذ يتْقدَّام يخف نّس اَطَّاس ن ثْوَاڒَاثِين اَمشْنَاو مَامش يتݣّ ڒفْقِي نِّي اَمقّْرَان خْمِي يتَاذف كُڒ لْعَام غَار وخَّام اَمْقدّس اَطَّاس س يذَامّن مَاشِي نّس.
يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.
وَلَكِن اَخَّام نِّي وِيس ثْنَاين يتْرَاح ذِنِّي غِير ڒفْقِي اَمقّْرَان، ئِجّن ن ثْوَاڒَا ذِي لْعَام أُو صَافِي. وَا لَابُد اَكِذس يَاوِي شَا ن يذَامّن بَاش اَثن يقدّم خ يِيخف نّس أُو خ دّْنُوْب إِي ݣِّين شَّعْب بْڒَا مَا ثنْت سّْنن.
مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.
إِذن فَا آي أَيثْمَا، غَارْنغ يجّن ن زْعَامث بَاش أَ نَاذف غَار ؤُخَّام اَمْقدّس اَطَّاس س يذَامّن ن عِيْسَى يعْنِي س يِجّن ن وبْرِيذ ذ جْذِيذ يدَّرن، ئِنُّوْرْزم-اَنغ وَامِي يقَّارْص اَرّْوَاق نِّي يعْنِي دَّات نّس.
مَعْلِيك اَمنِّي تُوْغَا اَتَاف لَابُد لْمَسِيح يتْوَاعدَّاب اَطَّاس ن ثْوَاڒَاثِين زݣ وَامِي تْوَاخْڒق دُّنشْت-أَ. وَلَكِن لَّا، ئِهْوَا-د نتَّا يجّن ن ثْوَاڒَا اَڒ ونݣَّارُو ن زْمَانَاث بَاش اَذ يسْبطّڒ ڒْمُعْصِيَاث وَامِي يقدّم يخف نّس ذ دْبِيحث.
أُو س ڒْخَاضَر نِّي نشِّين نتْوَاسِّيصْفَا س دْبِيحث ن دَّات ن عِيْسَى لْمَسِيح، ئِجّن ن ثْوَاڒَا إِ ڒبْدَا.
يعْنِي سوْجَاذن يجّن ن وقِيْضُوْن اَمقّْرَان ذَايس ثْنَاين ن يخَّامن. ذݣ وخَّام اَمزْوَارُو ݣِّين ذَايس ڒْقنْدِيڒ ذ طَّبْڒَا مَانِي سْرُوْسَان اَغْرُوْم نِّي يتْقدَّامن ذ صّذْقث إِ أَربِّـي. أَخَّام نِّي قَّارن-اَس <أَخَّام اَمْقدّس.>