يعيبرانيين 9:23 - ثريفيث 2020

²³ إِذن، ثِمسْڒَايِين-أَ يتْشَابَّاهن ذِي ثْمسْڒَايِين نِّي ن وجنَّا تُوْغَا تْوَاسِّيصْفَانْت س دْبِيحَاث. وَلَكِن ثِمسْڒَايِين نِّي س يِيخف نْسنْت ن وجنَّا لَّا؛ تْوَاسِّيصْفَانْت نِثنْتِي س يِجّن ن نُّوْع ن دْبِيحَاث حْسن زِي ثِنِّي نّغْنِي.

يعيبرانيين 9:23 Խաչաձեւ Հղումներ

لوقا 24:26

تُوْغَا يتْخصَّا إِ لْمَسِيح اَذ يعدّب، سّنِّي اَذ يَاذف غَار لْعَظَمَا نّس."

لوقا 24:46

ينَّا-ٱسن: "أَمُّو إِي يُوْرَا ذِي لْكِتَاب قَا يتْخصَّا إِ لْمَسِيح اَذ يتْوَاعدّب اَذ د يكَّر زِي ڒْموْث وِيس ثڒْتِيَّام.

يوحنا 14:3

خْمِي غَا رَاحغ اَذَاوم سْوجْذغ اَمشَان نِّي، أَذ د ذوْڒغ عَاوذ اَكنِّيو يْسِيغ اَكِذِي حمَا اَذ تِيڒِيم كنِّيو مَانِي غَا يڒِيغ نش.

ڒخذايم 23:15

ڒخُّو جْمَاعث ن لْحُكَّام ذ كنِّيو تَّارم زِي اَرَّايس ن ڒْعَسْكَار ن اَرُّوْمَانُوْس بَاش اَغَارْوم د يسّكّ بُوْلُس. ݣّث يخف نْوم ثخْسم اَكِذس ثݣّم لْإِسْتِجْوَاب مْلِيح. نشِّين اَقَانغ مُوْجُوْد بَاش اَث نْنغ قْبڒ إِي د غَا يَاوض."

أيث-كولوس 2:17

مَارَّا ثِمسْڒَايِين-أَ نِثنْتِي اَم ثِيڒِي وَاهَا ن ثْمسْڒَايِين نِّي إِي د غَا يَاسن، ثِمسْڒَايِين نِّي ن صَّح ن لْمَسِيح.

يعيبرانيين 10:1

شُوْف، شَّرِيعَا ن مُوْسَى نتَّاث غِير ذ يجّن ن ثِيڒِي ن ثْمسْڒَايِين ثِصبْحَانِين إِي د غَا يَاسن، وَار ثدْجِي شَا نتَّاث ذ ثِمسْڒَايِين نِّي ذ صَّح. خ مَانَايَا، دْبِيحَاث نِّي ن شَّرِيعَا إِي تݣّن زِي لْعَام غَار لْعَام وَار زمَّرنْت عمَّارْص اَذ سِّيصْفَانْت يِنِّي يتْقَارَّابن غَار أَربِّـي اَذ يڒِين بْڒَا ڒْعِيب.

يعيبرانيين 10:4

لِأَنَّا يذَامّن ن ئِينْدُوْزن ذ يغَايْذن وَار زمَّرن شَا اَذ كّْسن ڒْمُعْصِيّث، وَار يتمْكِين شَا.

يعيبرانيين 8:5

يِيْنَا خدّْمن شّْغڒ نْسن ذݣ يِجّن ن ثمْزِيذَا نتَّاث اَم يِجّن ن ثِيڒِي يتمْشَابَّاهن ذِي مِين يدْجَان ذݣ وجنَّا. خ مَانَاينِّي أَربِّـي يعْڒم إِ مُوْسَى وَامِي يبْذَا يسْبدَّا اَقِيْضُوْن نِّي اَمقّْرَان ينَّا-ٱس: <فكَّر بَاش اَذ تݣّذ مَارَّا مِين ذَاش خَطّغ ذِي لْخَرِيطَا نِّي ذݣ وذْرَار.>

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

يعيبرانيين 9:24

شُوْف، لْمَسِيح وَار يُوْذِيف شَا اَخَّام نِّي اَمْقدّس اَطَّاس إِي يبْنَان س يفَاسّن ن بْنَاذم يتْشَابَّاهن وَاهَا ذݣ ونِّي ن صَّح؛ لَّا، نتَّا يُوْذف ذݣ وجنَّا نِّيث اَذ يحْضَار زَّاث إِ أَربِّـي عْلَاحْسَاب نشِّين.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.