يعيبرانيين 9:14 - ثريفيث 2020

¹⁴ مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

يعيبرانيين 9:14 Խաչաձեւ Հղումներ

1 بطرس 1:19

لَّا، ئِسُّوْفغ-يكنِّيو-د س يذَامّن نِّي إِي يغْڒَان س وَاطَّاس ن لْمَسِيح يعْنِي يزْمَار نِّي يدْجَان بْڒَا ڒْعِيب بْڒَا ڒوْسخ.

1 يوحنا 1:7

وَلَكِن مڒَا نݣُّوْر ذِي نُّوْر مَامّش يدْجَا نتَّا ذِي نُّوْر، أَتَاف نْتمْعَاشَر اَك وَايَاوْيَا اَتَاف يذَامّن ن مِّيس عِيْسَى سِّيصْفَان-اَنغ زِي مَارَّا ڒْمُعْصِيَاث.

يعيبرانيين 9:12

يُوْذف يجّن ن ثْوَاڒَا أُو صَافِي غَار وخَّام اَمْقدّس اَطَّاس. نتَّا وَار يُوْذِيف شَا س يذَامّن ن يغَايْذن نِغ ذ ئِينْدُوْزن؛ لَّا، يُوْذف س يذَامّن نّس نِّيث يخدْجس خَانغ لْفِدْيَا بَاش أَ ننْجم إِ ڒبْدَا.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

يعيبرانيين 7:27

نتَّا مَاشِي اَم ڒْفُقَهَا نِّي نّغْنِي يمقّْرَانن تحْذَاجَان نِثْنِي اَذ قدّْمن دْبِيحَاث كُڒ نْهَار يعْنِي خ ڒْمُعْصِيَاث نْسن أُو منْبَعْد خ ڒْمُعْصِيَاث ن يِوْذَان. مَايمِّي؟ لِأَنَّا يݣَّا مَانَايَا عِيْسَى يشْتن ن ثْوَاڒَا إِ ڒبْدَا قَاع وَامِي يقدّم يخف نّس ذ لْفِدْيَا خ يِوْذَان.

1 بطرس 4:2

خ مَانَايَا نْهُوْرَاث نِّي إِي ذَاوم يتْغِيمَان ذِي دَّات نْوم مَاشِي اَثن ثْسعْذُوْم عْلَاحْسَاب شّهَاوَاث ن بْنَاذم؛ لَّا، سعْذُوْم-ثن عْلَاحْسَاب ڒْخَاضَر ن أَربِّـي.

يعيبرانيين 1:3

نتَّا ذ نُّوْر ن لْعَظَمَا ن أَربِّـي ذ صِّفث ن طَّبِيعَا نّس بْڒَا اَخطِّي. س جّْهذ ن وَاوَاڒ نّس إِي زِي يربُّو مَارَّا ثِمسْڒَايِين. وَامِي يحلّ ڒْمُعْصِيَاث ن بْنَاذم يسِّيصْفَا-ثنْت، سّنِّي يقِّيم خ وفُوْسِي ن أَربِّـي سُبْحَانَا وَتَعَالَى.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

يعيبرانيين 6:1

خ مَانَايَا وَار نتْغِيمِيث شَا ذِي تَّعْلِيم-أَ اَمزْوَارُو خ لْمَسِيح، أَ نُوْيُوْرث غَار زَّاث بَاش أَ نمْغَر. وَار نْتَاعْقِيب شَا غَار دْسَاس. يعْنِي وَار نسَّاوَاڒ شَا عَاذ خ تُّوْبَا نِّي ن سَّايِأَث، نِغ خ مَامّش غَا نݣّ أَ نَامن زِي أَربِّـي،

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

يعيبرانيين 10:2

دْبِيحَاث نِّي مَعْلِيك زمَّرنْت اَذ سِّيصْفَانْت، أَتَاف صَافِي سْبدّن-ثنْت نِغ لَّا؟ لِأَنَّا يِنِّي يعبّْذن اَتَاف اَذ قِّيمن ذ يمنْقَاوِيْين يجّن ن ثْوَاڒَا إِ ڒبْدَا، أَتَاف ضَّمِير نْسن وَار يتْعدِّيب شَا س ڒْمُعْصِيّث.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-روما 11:12

ڒخُّو ڒْمُعْصِيّث نِّي إِي ݣِّين أَيث-إِسْرَائِيل مڒَا ثُوْوِي-د لْبَرَاكَا ذ ثَمقّْرَانْت إ دُّنشْت-أَ، أُو عَاوذ وطُّو نِّي إِي ݣِّين مڒَا يُوْوِي-د لْبَرَاكَا ذ ثَمقّْرَانْت إ يِنِّي وَار يدْجِين شَا زِي أَيث-إِسْرَائِيل، مشْحَاڒ غَا ثرْنِي لْبَرَاكَا خْمِي د غَا ذوْڒن غَار وبْرِيذ؟

لوقا 1:74

أَذَانغ يسنْجم زݣ يفَاسّن ن ڒْعَذْيَان نّغ، حمَا اَث نعْبذ بْڒَا ثِيݣّْوْذِي،

1 بطرس 2:22

نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

أيث-ݣلاطيا 2:19

عْلَاحْسَاب شَّرِيعَا ن مُوْسَى نتَّاث س يِيخف نّس، نش مُّوْثغ زَعْمَا إِ ڒحْكَام ن شَّرِيعَا-يَا خَافِي بَاش اَذ دَّرغ إِ أَربِّـي وَاهَا.

22 أيث-كورينث 6:16

مِين ثْشَرّش ثمْزِيذَا ثَمقّْرَانْت ن أَربِّـي اَك لْأَصْنَام؟ وَالُو. شُوْف، نشِّين إِي يدْجَان ذ ثَمْزِيذَا ن أَربِّـي يدَّرن. أَمنِّي يقَّار أَربِّـي: <نش اَذ زذْغغ اَكِذْسن اَذ ؤُيُوْرغ جَارَاسن، أَذ يڒِيغ ذ أَربِّـي نْسن، نِثْنِي اَذ يڒِين ذ شَّعْب ينُو.

أيث-روما 11:24

شُوْف، شك تْوَاقسّذ زݣ وزمُّوْر يعْنِي طَّبِيعَا نّش، سّنِّي تْوَاڒقّْمذ ذِي ثْزِيتُوْنْت يعْنِي مَاشِي طَّبِيعَا نّش. أُو نِثنْتِي، مشْحَاڒ يهْون اَذ تْوَاڒقّْمنْت يعْنِي ثِسضْوِين ن ثْزِيتُوْنْت اَذ تْوَاعقْبنْت غَار لْأَصل نْسنْت.

أيث-روما 1:20

زݣ وَامِي ثدْجَا دُّنشْت-أَ، مِين وَار يتْوَاࢲرّن ن أَربِّـي يعْنِي جّْهذ نّس يتْدُوْمَان ذ طَّبِيعَا نّس يُوْعْڒَان، نْفهّم-يثنْت نْࢲرّ-يثنْت مْلِيح ذِي ثْمسْڒَايِين يتْوَاخڒْقن. عْلَاحْسَاب مَانَايَا يوْذَان وَار غَارْسن بُو لْعُدر.

يوحنا 3:34

ونِّي إِي د يسّكّ أَربِّـي يسَّاوَاڒ س وَاوَاڒ ن أَربِّـي مِينْزِي يتِيشّ-اَس أَرُّوح نّس بْڒَا ڒقْيَاس.

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يعيبرانيين 11:21

س لْإِيمَان يكَّر نَّبِي يَعْقُوْب وَامِي تُوْغَا يتْمتَّا يبَرك ثَارْوَا ن مِّيس يُوْسف ئِج-ئِج، يعبّذ نتَّا خْمِي يتْسنَّاذ خ ثغْڒِيث نّس.

يعيبرانيين 9:9

مَارَّا مَانَايَا يتِيشّ يجّن لْمِثَال إِ ڒْوقْث-أَ إِي ذِي ندْجَا ڒخُّو. شّْغڒ نِّي إِي تُوْغَا تݣّن ذِنِّي خْمِي تْقدَّامن صّذْقث ذ دْبِيحَاث وَار يزمَّر شَا اَذ يسِّيصْفَا ضَّمِيڒ ن ونِّي يعبّْذن.

ڒخذايم 14:15

"آي يرْيَازن، مَايمِّي تݣّم مَانَايَا؟ قَا نشِّين ذ يوْذَان وَاهَا اَم كنِّيو اَم نشِّين كِيف-كِيف. نُوْوِي-اَوم-د يجّن ن وَاوَاڒ ذ اَصبْحَان بَاش اَذ تْبعّْذم إِ ثْمسْڒَايِين-أَ وَار ينفّْعن شَا، أَذ تْذوْڒم غَار أَربِّـي يدَّرن إِي د يخڒْقن اَجنَّا ذ ثْمُوْرْث ذ ڒبْحَر ذ مَارَّا مِين ذَايْسن.

يعيبرانيين 9:7

وَلَكِن اَخَّام نِّي وِيس ثْنَاين يتْرَاح ذِنِّي غِير ڒفْقِي اَمقّْرَان، ئِجّن ن ثْوَاڒَا ذِي لْعَام أُو صَافِي. وَا لَابُد اَكِذس يَاوِي شَا ن يذَامّن بَاش اَثن يقدّم خ يِيخف نّس أُو خ دّْنُوْب إِي ݣِّين شَّعْب بْڒَا مَا ثنْت سّْنن.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

1 أيث-سلونيك 1:9

ئِوْذَان نِّي س يِيخف نْسن سُوْفُوْغن خَاوم ڒخْبَار خ مَامش إِي ذَانغ ثْقبْڒم ذ مَامش إِي ثْسمْحم ذِي لْأَصْنَام بَاش اَذ تْعبْذم أَربِّـي يدَّرن إِي يدْجَان ذ صَّح.

لوقا 12:28

مڒَا أَربِّـي يتِيشّ اَرُّوْض زَعْمَا إِ اَرْبِيع ن ڒخْڒَا إِݣ يدْجَان نْهَارَا اَذ يحرق ثِيوشَّا ذݣ وفَارَّان، مَا وَار يتݣّ اَكِذْوم كنِّيو كْتار؟ ذَايْوم لإِيمَان نْوم ذ ؤُقْلِيل.

لوقا 12:24

خْزَارم غَار يبَاغرِيون. وَار زرّْعن، وَار مجَّارن. وَار غَارْسن ثِسْرَافِين ؤُڒَا ذ مَانِي غَا خزّْنن. ذ أَربِّـي إِي ذَاسن يتِيشّن اَذ شّن. كنِّيو، مَا وَار تْسݣّْوِيم شَا اَطَّاس س وَاطَّاس خ يِيجْضَاض؟

أَسڒْمذ ن سِيذِيثْنغ عِيْسَى لْكِتَاب ن مَتَّى 12:28

نش، مڒَا سُوْفُوْغغ جْنُوْن س أَرُّوْح ن أَربِّـي، أَقَا ڒْمُلْك ن أَربِّـي يُوْسَا-د غَارْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:11

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار. ئِتِيشّ مِين يدْجَان ذ اَصبْحَان إِ يِنِّي ذَاس ث يتتَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:16

ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

ڒخذايم 15:9

وَار يݣِّي بُو س وُوْذمَاون جَارَانغ، ئِسِيرذ-اَسن ؤُڒَاون نْسن وَامِي ؤُمْنن.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

يعيبرانيين 3:12

آي اَيثْمَا، حْضَام يخف نْوم بَاش ؤُڒَا ذ يجّن زَّايْوم وَار غَارس يتِيڒِي وُوْڒ ذ اَبرْشَان نِغ وَار ذَايس يتِيڒِي بُو لْإِيمَان بَاش وَار يتْبعِّيذ شَا نتَّا خ أَربِّـي يدَّرن.

يعيبرانيين 7:16

يعْنِي مَاشِي عْلَاحْسَاب يجّن ن ڒُوْصِيّث خ ڒجْذُوْذ نّس زِي شَّرِيعَا إِي ث يَارِّين ذ ڒفْقِي؛ لَّا، نتَّا ذ ڒفْقِي عْلَاحْسَاب جّْهذ ن ثُوْذَارْث نّس عمَّارْص اَذ تفْنَا.

يعيبرانيين 9:26

مَعْلِيك اَمنِّي تُوْغَا اَتَاف لَابُد لْمَسِيح يتْوَاعدَّاب اَطَّاس ن ثْوَاڒَاثِين زݣ وَامِي تْوَاخْڒق دُّنشْت-أَ. وَلَكِن لَّا، ئِهْوَا-د نتَّا يجّن ن ثْوَاڒَا اَڒ ونݣَّارُو ن زْمَانَاث بَاش اَذ يسْبطّڒ ڒْمُعْصِيَاث وَامِي يقدّم يخف نّس ذ دْبِيحث.

يعيبرانيين 10:10

أُو س ڒْخَاضَر نِّي نشِّين نتْوَاسِّيصْفَا س دْبِيحث ن دَّات ن عِيْسَى لْمَسِيح، ئِجّن ن ثْوَاڒَا إِ ڒبْدَا.

يعيبرانيين 10:12

لْمَسِيح لَّا، نتَّا يقدّم يجّن ن دْبِيحث وَاحْذس خ ڒْمُعْصِيّث يجّن ن ثْوَاڒَا إِ ڒبْدَا، أُوْشَا يقِّيم نتَّا خ وفُوْسِي ن أَربِّـي.

يعيبرانيين 13:12

أَمُّو عَاوذ عِيْسَى، ثكَّا خَاس تَمَارَا نِّي غَار ڒݣّْوَاج ن ثوَّارْث ن ثنْدِينْت بَاش اَذ يسِّيصْفَا شَّعْب س يذَامّن نّس.