يعيبرانيين 8:9 - ثريفيث 2020

⁹ مَاشِي اَم ڒْعَهذ نِّي إِي ݣِّيغ اَك ڒجْذُوْذ نْسن، وَامِي ثن طّْفغ زݣ يفَاسّن نْسن، أَثن سُوْفْغغ زِي ثْمُوْرْث ن مِصْرَا. لِأَنَّا نِثْنِي وَار طِّيفن شَا ذِي ڒْعَهذ ينُو، أُوْشَا نش سمْحغ ذَايْسن، يقَّار-يث سِيذِي أَربِّـي.

يعيبرانيين 8:9 Խաչաձեւ Հղումներ

مرقس 8:23

ئِطّف اَضَرْغَاڒ نِّي س وفُوْس يسُوْفغ-يث غَار بَارَّا ن وبِيلَاج نِّي. ئِسُّوْسف-اَس خ ثِيطَّاوِين نّس يݣَّا خَاس يفَاسّن نّس ينَّا-ٱس: "مَا تْوَاڒِيذ شَان ڒْحَاجث مَا لَّا؟"

ڒخذايم 13:11

سَّا ٱڒ ثْسَاونْت سِيذِي أَربِّـي اَقَاث ضذ نّش، أَذ تْضَرْغْڒذ اَتَاف وَار ثْࢲرّذ شَا ثْفَاوْث ن ثْفُوْشْت اَڒ يِجّن ن لْمُدَّا." ڒخْدّنِّي ثكَّا-ٱس-د ثَاشْبَابْث إِ ؤُسحَّار نِّي خ ثِيطَّاوِين يتْوَاڒَا ثَادْجسْت، ئِقِّيم يتنّض ذِنِّي يرزُّو ؤُو ث غَا يسْݣوّْذن س وفُوْس.

ڒخذايم 7:36

مُوْسَى-يَا ذ نتَّا إِي ثن يسُوْفْغن س ڒَعْجَايب ذ لْمُعْجِيزَاث إِي يݣَّا ذِي مِصْرَا، ذِي ڒبْحَر اَزݣّْوَاغ، ؤُڒَا ذِي صَّحْرا اَرْبعِين يسݣّْوُوْسَا.

ڒخذايم 9:8

ئِكَّر شَاوُل زِي ثْمُوْرْث يرْزم ثِيطَّاوِين نّس يذْوڒ وَار يتْوِيڒِي وَالُو. طّْفن-ث زݣ وفُوْس نّس ؤُوِين-ث غَار دِمَشق.

أيث-ݣلاطيا 4:24

يعْنِي مَانَايَا ذَايس ڒمْعَانِي. ثِمْغَارِين-أَ نِثنْتِي س ثْنَاين ذَايْسنْت ثْنَاين ن ڒْعُهُوْذ. ئِجّن ن ڒْعَهذ نتَّا زݣ وذْرَار ن سِينَا، ئِتَارو ثَارْوَا ذ يسمْغَان. نتَّاث ذ هَاجَر.