يعيبرانيين 8:13 - ثريفيث 2020

¹³ وَامِي يسِّيوڒ أَربِّـي خ يِجّن ن ڒْعَهذ ذ جْذِيذ، صَافِي ونِّي اَمزْوَارُو يسْبطَّاڒ-يث. أُو ونِّي إِݣ يتْوَاسْبطَّاڒن ڒخُّو يذوّڒ ذ اَقْذِيم، أَتَاف ذغْيَا اَذ يتْوَاكّس وَار يتْغِيمِي شَا.

يعيبرانيين 8:13 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:35

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

لوقا 22:20

أَمُّو عَاوذ منْبَعْد إِ ومنْسِي ييْسِي-د ڒْكَاس ينَّا-ٱسن: "ڒْكَاس-أَ ذ ڒْعَهذ ذ جْذِيذ إِي كِذْوم تݣّغ س يذَامّن ينُو اَذ اَزّْڒن عْلَاحْسَاب كنِّيو."

1 أيث-كورينث 13:8

ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

يعيبرانيين 1:11

يِيْنَا اَذ فْنَان شك اَذ تْدُوْمذ، مَارَّا اَذ رْشَان اَم وَارُّوْض.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

يعيبرانيين 7:22

ثْجَادْجِيث نِّي ن أَربِّـي ذ نتَّاث إِݣ يَارِّين عِيْسَى اَذ يضمّن يجّن ن ڒْعَهذ حْسن زِي ڒْعَهذ نِّي اَقْذِيم.

يعيبرانيين 8:6

وَلَكِن شّْغڒ نِّي ن ڒفْقِي إِي ذَاس يُوْشَا إِ عِيْسَى يمْغَار اَطَّاس خ شّْغڒ نِّي اَقْذِيم ن ڒْفُقَهَا نّغْنِي. أُو ڒْعَهذ-أَ إِي خف يتْشَفَاع نتَّا يمْغَار اَطَّاس خ ونِّي اَقْذِيم لِأَنَّا يبدّ خ يِجّن ن دْسَاس ن لْوُعُوْد إِي يدْجَان حْسن.

يعيبرانيين 8:8

لِأَنَّا أَربِّـي يُوْفَا يوْذَان نِّي ذ ينقْسِيْين وَامِي ينَّا: <أَقَا تَاسن-د وُوْسَّان، يقَّار-يث سِيذِي أَربِّـي، أَذَايْسن ݣّغ يجّن ن ڒْعَهذ ذ جْذِيذ إِ أَيث-إِسْرَائِيل ذ أَيث-يَهُوْذَا.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.