يعيبرانيين 7:28 - ثريفيث 2020

²⁸ لِأَنَّا شَّرِيعَا ن مُوْسَى تَارَّا يرْيَازن س ضُّوْعف نْسن اَذ يڒِين ذ ڒْفُقَهَا يمقّْرَانن. وَلَكِن أَربِّـي س ثْجَادْجِيث نّس إِي د يُوْسِين منْبَعْد إِ شَّرِيعَا ن مُوْسَى يَارَّا مِّيس ذ ڒفْقِي اَمقّْرَان يذْوڒ نتَّا بْڒَا ڒْعِيب قَاع إِ ڒبْدَا.

يعيبرانيين 7:28 Խաչաձեւ Հղումներ

يعيبرانيين 2:10

زِي أَربِّـي إِي تِيڒِينْت مَارَّا ثِمسْڒَايِين-أَ أُو نتَّا ؤُمِي تِيڒِينْت. ذ أَربِّـي نتَّا إِي يَارِّين عِيْسَى وَار ذَايس بُو ڒْعِيب س ڒَعْذَاب نِّي نّس إِي خَاس يعْذُوْن حمَا أَربِّـي اَذ د يَاوِي اَطَّاس ن ثَارْوَا غَار لْعَظَمَا نّس. غَارس ڒْمَعْنَا مَانَايَا ڒَاحقَّاش عِيْسَى نتَّا ذ زَّعِيم ن وسنْجم ن ثَارْوَا-يَا.

يعيبرانيين 7:21

وَلَكِن عِيْسَى يَارِّي-ث أَربِّـي ذ ڒفْقِي س يِجّن ن ثْجَادْجِيث وَامِي ذَاس ينَّا: <أَقَا سِيذِي أَربِّـي يجُّوْدْج أُو عمَارْص اَذ يبدّڒ اَرَّاي نّس، ينَّا-ٱس قَا شك ذ ڒفْقِي إِ ڒبْدَا.>

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.

لوقا 13:32

ينَّا-ٱسن عِيْسَى: "رُوْحث إِنِيم-اَس إِ وُوْشّن نِّي: قَا نش سُوْفُوْغغ جْنُوْن، سْݣنْفَايغ يوْذَان نْهَارَا ذ ثِيوشَّا. ذِي نْهَار وِيس ثڒْتِيَّام اَذ كمّْڒغ.

يعيبرانيين 7:24

وَلَكِن عِيْسَى ڒْخذْمث نّس ن ڒفْقِي اَذ تقِّيم وَار تْوَاكِّيس شَا لِأَنَّا نتَّا يتْدُوْمَا إِ ڒبْدَا.

يعيبرانيين 7:3

وَار غَارس نْتِيف لَّا بَابَاس لَّا يمَّاس لَّا ڒجْذُوْذ نّس. وَار غَارس نْتِيف اَمزْوَارُو ن ڒِيَّام نّس ؤُڒَا ذ اَنݣَّارُو ن ثُوْذَارْث نّس. نتَّا يتْشَابَّاه ذِي مِّيس ن أَربِّـي، ئِدَّر اَم ڒفْقِي اَمقّْرَان إِ ڒبْدَا.

يعيبرانيين 5:5

أَمُّو ؤُڒَا ذ عِيْسَى وَار يسمْغَار شَا يخف نّس اَذ يخْذم س لْعَظَمَا-يَا يعْنِي ذ ڒفْقِي اَمقّْرَان؛ لَّا، ينَّا-ٱس أَربِّـي: <أَقَا شك ذ مِّي، نْهَارَا نش ذوْڒغ ذ بَابَاش.>

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يوحنا 19:30

وَامِي يقَّاس عِيْسَى اَمَان نِّي، ينَّا: "ئِتْوَاكمّڒ!" ئِسَذَار اَزدْجِيف نّس، ئِسلّم بُوْحْبڒ نّس.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.