يعيبرانيين 6:4 - ثريفيث 2020

⁴ أَمَّا يِنِّي مِيخف يشعْشع نُّوْر، قَّاسن لْهَادِيَا ن وجنَّا، شَرّْشن ذِي أَرُّوْح يقدّْسن،

يعيبرانيين 6:4 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:45

أُوْشَا اَذ يرَاح اَذ د يَاوِي سبْعَا ن جْنُوْن نّغْنِي ذ يعفَّانن كْتَار زَّايس حمَا اَذ ذوْڒن كُڒْشِي اَذَايس زذْغن. أَتَاف اَذ تِيڒِي لْحَالَا ثَنݣَّارُوْت ن بْنَاذم نِّي ذ ثَعفَّانْت كْتَار زِي لْحَالَا نّس ثَمزْوَارُوْت. أَمنِّي إِي ذَاسن غَا ثوْقع إِ يِوْذَان يعفَّانن ن ڒْوقْث-أَ."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:13

ذ كنِّيو إِي يدْجَان ذ ڒمْڒح ثَصبْحَانْت ن ثْمُوْرْث. وَلَكِن مڒَا يرُوْح-اَس لْمَذَاق نّس، مَامش ذَاس غَا نݣّ اَذَاس ثِيذ نَارّ؟ أَتَاف وَار ثْصدْجَاح إِ وَالُو، غِير اَت نْضَرن غَار بَارَّا وَاهَا اَخَاس عفّْسن يِوْذَان.

يوحنا 15:6

مڒَا شَان يِجّن وَار يقِّيم شَا ذَايِي، أَتَاف اَذ يمنْضَار غَار بَرَّا اَمشْنَاو يكشُّوْضن يُوزْغن، أَثن سْمُوْنن اَثن ݣّن ذِي ثْمسِّي اَذ شمْضن.

يوحنا 3:27

ينَّا-ٱسن يَحْيَى: "وَار يزمَّر بْنَاذم اَغَارس ثِيڒِي شَان ثْمسْڒَايْث مڒَا وَار ذَاس د تُوْسِي شَا زِي أَربِّـي.

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

يوحنا 6:32

ينَّا-ٱسن عِيْسَى: "أَقَا تسْڒَام ڒْحَقّ: وَار يدْجِي بُو ذ مُوْسَى إِي ذَاوم يُوْشِين اَغْرُوْم زݣ وجنَّا؛ لَّا، ذ بَابَا إِي ذَاوم يتِيشّن اَغْرُوْم ن صَّح زݣ وجنَّا.

ڒخذايم 10:45

ڒْمُوْمِنِين زݣ أَيث-إِسْرَائِيل إِي د يُوْسِين اَك بُطْرُس قِّيمن تْعجّْبن وَامِي ؤُفِين أَرُّوْح يقدّْسن يتْوَافيّض ؤُڒَا خ يِنِّي وَار يدْجِين شَا ذ يسْرَائِيلِيْين.

ڒخذايم 11:17

إِيوَا مڒَا يُوْشَا-ٱسن أَربِّـي إِ نِثْنِي اَمشْنَاو مِين ذَانغ يُوْشَا إِ نشِّين وَامِي نُوْمن زِي سِيذِيثْنغ عِيْسَى لْمَسِيح، مِين عْنِيغ نش بَاش اَذ عَارّْضغ إِ أَربِّـي؟"

ڒخذايم 15:8

أَربِّـي ذ نتَّا إِݣ يسّْنن ؤُڒ ن بْنَاذم، يسظْهَار-د نتَّا بلِّي يقْبڒ-يثن يعْنِي يُوْشَا-ٱسن أَرُّوْح يقدّْسن مَامّش ذَانغ ث يُوْشَا إِ نشّْين.

ڒخذايم 8:20

ئِكَّر بُطْرُس ينَّا-ٱس: "لَّا، جْمع نُّقَارْث نّش قَا اَذ تِيڒِي ذ ثِمسِّي اَكِذش ذِي ڒفْنَا مِنْزِي ثنْوِيذ اَذ تسْغذ لْهَدِيَا ن أَربِّـي س تْمنْيَاث!

أيث-روما 1:11

نش رزُّوْغ س وَاطَّاس اَكنِّيو ࢲرغ حمَا اَذَاوم ؤُشغ يجّن ن لْقُدْرَا رُوْحِيَا إِي ذَاوم غَا يُوْشن جّْهذ.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

أيث-ݣلاطيا 3:2

أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس.

أيث-ݣلاطيا 3:5

إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 2:8

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي.

أيث-ؤفسوس 3:7

ذوْڒغ ذ اَخدَّام ن لْإِنْجِيل-أَ عْلَاحْسَاب لْبَرَكَا ن أَربِّـي وَامِي ذَايِي ت يهْذَا يسخْذم-يت س جّْهذ نّس.

أيث-ؤفسوس 4:7

شُوْف، كُڒ يجّن زَّايْنغ ثمُّوْش-اَس يِجّن ن لْبَرَكَا عْلَاحْسَاب مَامّش ت يوْزن لْمَسِيح ذ لْهَدِيَا.

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

2 تيموتاوس 2:25

أَذ يصحَّاح س يِجّن ن وُوْڒ يصبَّارن إِ يِنِّي إِي ذَاس يتْعَارَّاضن؛ حمَا مڒَا يخس أَربِّـي اَثن يجّ اَذ تُوْبن اَذ سّْنن لْحَقِيقَا.

2 تيموتاوس 4:14

إِسْكَنْدر ونِّي يتْصنَّاعن نّحَّاس يضَرّ-اَيِي اَطَّاس، أَث يخدْجس أَربِّـي خ ڒفْعَايڒ نّس.

يعيبرانيين 10:32

فَا عقْڒث خ وُوْسَّان نِّي يعْذُوْن وَامِي خَاوم د يشعْشع نُّوْر. ثصْبَارم خ يِجّن ن ؤُمنْغِي يقْسح، ثْوَاجْهَام اَعدّب.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.

1 يوحنا 5:16

ونِّي غَا يتْوَاڒَان يجّن ن وُوْمَاس يعْصَا يجّن ڒْمُعْصِيّث إِي وَار يتِيوِين شَا غَار ڒْموْث، نتَّا يتْخصَّا-يَاس اَخَاس يࢲَّادْج غَار أَربِّـي اَتَاف اَذَاس يُوْش ثُوْذَارْث إِ وُوْمَاس نِّي. نِّيغ-اَوم-د مَانَايَا عْلَاحْسَاب يِنِّي ڒْمُعْصِيّث نْسن وَار ثن تِيوِي شَا غَار ڒْموْث. ذِنِّي يجّن ن ڒْمُعْصِيّث إِݣ يتَاوِين غَار ڒْموْث، ثنِّي وَار ذَاوم ت قَّارغ شَا اَخَاس ثࢲَّادْجم.