يعيبرانيين 6:12 - ثريفيث 2020

¹² وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

يعيبرانيين 6:12 Խաչաձեւ Հղումներ

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

يعيبرانيين 10:36

أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

أيث-روما 12:11

حَوْڒث وَار تعْݣِيزم شَا. خذْمث إِ سِيذِي أَربِّـي س وُوْڒ ذ اَرُّوْح.

يعيبرانيين 5:11

عَاذ نْزمَّر أَ نِينِي اَطَّاس خ ثْمسْڒَايِين-أَ وَلَكِن يقْسح اَكنِّيو نْسفْهم. مَايمِّي؟ لِأَنَّا كنِّيو ثْذقْڒم اَذ تْفهْمم.

2 بطرس 1:10

إِذن آي اَيثْمَا، ݣّث لْمجْهُوْد نْوم كْتَار عَاذ بَاش اَذ تْضمْنم اَڒَاغِي نّس غَارْوم بلِّي نتَّا يخْضَر-يكنِّيو. مڒَا ثݣِّيم ثِمسْڒَايِين-أَ، أَتَاف عمَّارْص اَذ د توْضَام.

ثبرات غار يعقوب 1:3

كنِّيو ثسّْنم مَارَّا ڒمْحَاين-أَ إِي ثْسعْذُوْم عْلَاحْسَاب لْإِيمَان نْوم تَاوِينْت-يد صّْبَار.

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

أيث-روما 4:12

أُو نتَّا ذ جدِّيثْسن عَاوذ ؤُڒَا ن يِنِّي يݣِّين طَّهَارث، وَلَكِن مَاشِي ݣِّين طَّهَارث أُو صَافِي. لَّا، ئِتْخصَّا-يَاسن اَذ ذفَّارن ڒَاثَار ن لْإِيمَان مَامش تُوْغَا يدْجَا غَار جدِّيثْنغ بْرَاهِيم وَامِي تُوْغَا عَاذ وَار يݣِّي بُو طَّهَارث.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

لواحي ن يوحنا 13:10

ونِّي مِيْنْخف يُوْرَا اَذ يتْوَاحبّس، أَتَاف اَذ يتْوَاحبّس. ونِّي مِيْنْخف يُوْرَا اَذ يتْوَانغ س سِّيف، أَتَاف اَذ يتْوَانغ س سِّيف. ذِي لْحَالَا نِّي يتْخصَّا ڒْمُوْمِنِين صَّالِحِين اَذ صْبَارن اَذ اَمْنن.

يعيبرانيين 11:33

س لْإِيمَان كَّرن نِثْنِي ربْحن لْممْلَاكَاث، حكْمن س ڒْحَقّ، حرْثن خ لْوُعُوْد، بلّْعن يقمُّوْمن ن سْبُوْعَاث،

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:32

ئِقَّار قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب." ينَّا-ٱسن عِيْسَى: "نتَّا ذ أَربِّـي ن يِنِّي يدَّرن مَاشِي ن يِنِّي يمُّوْثن."

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

لوقا 16:22

صَافِي يمُّوْث ڒْمسْكِين نِّي، يْسِينْت-ث لْمَلَائِكَاث سرْسنْت-ث خ وفُوْذ ن بْرَاهِيم. عَاوذ يمُّوْث تَّاجَر نِّي يْسِين-ث نضْڒن-ث.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:26

ئِنْدق-د سِيذس ينَّا-ٱس: آي اَخدَّام اَمْشُوْم، آي اَفنْيَان! إِيوَا ثسّْنذ بلِّي نش مجَّارغ مَانِي وَار زرّْعغ، كسِّيغ مِين وَار تࢲُّوْغ.