يعيبرانيين 4:15 - ثريفيث 2020

¹⁵ شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

يعيبرانيين 4:15 Խաչաձեւ Հղումներ

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

1 يوحنا 3:5

أَقَا ثسّْنم بلِّي عِيْسَى لْمَسِيح نتَّا يمظْهَار-د بَاش اَخَانغ يكّس ڒْمُعْصِيَاث. أُو ڒْمُعْصِيّث نتَّا وَار ذَايس ثدْجِي شَا.

1 بطرس 2:22

نتَّا وَار يݣِّي ؤُڒَا ذ يجّن ن ڒْمُعْصِيّث، وَار ذَاس د يكِّي ؤُڒَا ذ يج وخَرِّيق زݣ وقمُّوْم نّس.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 5:2

ئِزمَّر نتَّا اَذ يحِيْنّ خ يِنِّي وَار يفهّْمن شَا ذ يِنِّي يفّْغن اَبْرِيذ مِينْزِي نتَّا س يِيخف نّس ذَايس ضُّوْعف.

يوحنا 8:46

مِين يعْنَا ونِّي يزمَّرن زَّايْوم اَذَايِي يطّف ڒْمُعْصِيّث؟ مڒَا قَّارغ ڒْحَقّ، مَايمِّي وَار ذَايِي تِيمْنم شَا؟

لوقا 22:28

ذ كنِّيو إِي كِذِي يصْبَارن ذِي ڒمْحَاين ينُو.

لوقا 4:2

ئِكَّا ذِنِّي اَرْبعِين يُوْم يتْجرَّاب-يث إِبْڒِيس. ذݣ وُوْسَّان نِّي وَار يشِّي وَالُو. وَامِي كمّْڒن وُوْسَّان نِّي يدْجُوْز.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:20

وَار يتْرزِّي بُو غَانِيم يميّْڒن، وَار يسخْسَاي ثْفَاوْث ن ثفْثِيڒْت يتݣّن دّخَّان، أَڒ غَا يرْبح ڒْحَقّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:1

سّنِّي اَرُّوْح نِّي ن أَربِّـي يُوْوِي عِيْسَى غَار ڒخْڒَا حمَا اَث يجَرّب إِبْڒِيس.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.