يعيبرانيين 13:21 - ثريفيث 2020

²¹ أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 13:21 Խաչաձեւ Հղումներ

أيث-فيليـپـي 2:13

مِينْزِي ذ أَربِّـي إِݣ يسْخدَّامن اَرَّاي نْوم ذ ڒخْذَايم نْوم بَاش اَذ تݣّم لْغَرَض نّس ذ اَصبْحَان.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

22 أيث-كورينث 9:8

أَربِّـي نتَّا يزمَّر اَكنِّيو يسْفيّض س لْبَرَاكَا بَاش اَتَاف ڒبْدَا اَغَارْوم يِيڒِي مِين تحْذَاجَام مَارَّا ثُمَّا اَذ تَرْنِيم اَطَّاس ذِي مَارَّا ڒْخذْمث ثَصبْحَانْت.

1 بطرس 4:2

خ مَانَايَا نْهُوْرَاث نِّي إِي ذَاوم يتْغِيمَان ذِي دَّات نْوم مَاشِي اَثن ثْسعْذُوْم عْلَاحْسَاب شّهَاوَاث ن بْنَاذم؛ لَّا، سعْذُوْم-ثن عْلَاحْسَاب ڒْخَاضَر ن أَربِّـي.

يعيبرانيين 10:36

أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

ثبرات زي يهوذا 1:25

يعْنِي أَربِّـي ونِّي يدْجَان وَاحْذس يسنْجَام-اَنغ. أَغَارس ثِيڒِي لْعَظَمَا ذ ثُوْعْڒَات ذ لْقُوَّا ذ سُّلْطَا س عِيْسَى لْمَسِيح سِيذِثْنغ يعْنِي قْبڒ إِ مَارَّا زْمَانَاث إِي يعْذُوْن أُو ذ ڒخُّو أُو ذ ڒبْدَا ن ڒبْدَاث. آمِين.

1 يوحنا 2:17

دُّنشْت-أَ اَقَا ثْعدُّو-د اَكِذس شّهَاوَاث نّس، وَلَكِن ونِّي يتݣّن ڒْخَاضَر ن أَربِّـي اَذ يقِّيم يدَّر إِ ڒبْدَا ن ڒبْدَاث.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

أيث-ؤفسوس 2:10

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

لواحي ن يوحنا 5:9

تْغنَّاجن س يِجّن ن يِزْڒْي ذ جْذِيذ قَّارن: "ذ شك إِي يسْذَاهدْجن اَذ تيْسِيذ لْكِتَاب أَذ ترْزْمذ يشمَّاعن نّس، ڒَاحقَّاش تْوَاغَرْصذ، ثسْنجْمذ يوْذَان إِ أَربِّـي س يذَامّن نّش زِي مْكُڒ ڒْقُوْم ذ لُّغَا ذ شَّعْب ذ ڒْݣنْس.

1 يوحنا 3:22

أَتَاف اَزَّايس نقْبڒ مَارَّا مِين ذَاس غَا نتَّار نشِّين ڒَاحقَّاش نتْطَاعَا ڒُوْصِيَاث نّس نْتݣّ مِينْخف يرطَّا نتَّا.

يعيبرانيين 13:16

أُو وَار تتُّوْث شَا اَذ تݣّم ڒْخِير اَذ تْشَرْشم اَك ينّغْنِي مِينْزِي س دْبِيحَاث-أَ اَم ثِيْنَا إِي ذَاس يتعْجِيبن إِ أَربِّـي.

1 تيموتاوس 6:16

ذ نتَّا وَاحْذس إِي وَار يتْمتِّين عمَّارْص، ئِزدّغ ذݣ يِجّن ن نُّوْر إِي وَار يزمَّر حَدّ اَغَارس د يقَارّب يعْنِي ونِّي ؤُمِي عمَّارْص وَار ث يࢲْرِي بْنَاذم وَار يزمَّر اَث يࢲر. ذ نتَّا إِي غَا يِيڒِي ؤُوقَّر ذ جّْهذ إِ ڒبْدَا. آمِين.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

أيث-كولوس 3:17

مَارَّا مِين تݣّم س وَاوَاڒن نِغ س لْحَسَانَاث، ئِتْخصَّا اَذ تݣّم مَانَايَا مَارَّا عْلَاحْسَاب يسم ن سِيذِيثْنغ عِيْسَى اَزَّايس تْشكَّرم أَربِّـي بَابَاثْنغ.

أيث-فيليـپـي 4:18

طّْفغ ڒْمُوْنث ثكْمَاڒ زَّايْوم أُو كْتَار عَاذ. ثْذبَّرم-اَيِي-د مْلِيح وَامِي قبْڒغ زݣ وُوْمَاثْنغ پَـارْفُوْلِيتُس لْهَدِيَاث نِّي إِي ذَايِي د ثسّكّم. نِثنْتِي اَم يِجّن صّذْقث ثتْفُوْح ذ يِجّن ن دْبِيحث إِي غَا يقْبڒ أَربِّـي إِي ذَاس غَا يعجْبن.

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:20

سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

لواحي ن يوحنا 5:13

ثُمَّا سْڒِيغ إِ كُڒ لْمخْلُوْق يدْجَان ذݣ وجنَّا ذ ثْمُوْرْث ذ سْوَادَّاي إِ ثْمُوْرْث ذ ڒبْحَر ذ مَارَّا مِين ذَايْسن قَّارن-اَسن إِ ونِّي يقِّيمن خ لْعَرْش ؤُڒَا ذ يِزْمَار: أَغَارْوم يِيڒِي لْحَمد ذ ؤُوقَّار ذ لْعَظَمَا ذ ڒحْكَام إِ ڒبْدَا ن ڒبْدَاث!"

لواحي ن يوحنا 4:6

زَّاث إِ لْعَرْش ذِنِّي اَم ڒبْحَر ن جَّاج يصْفَا اَطَّاس. ذِنِّي اَربْعَا ن لْمخْلُوقَاث يدَّرن ذِي ڒْوسْط، نّْضن-اَس-د إِ لْعَرْش غَارْسن ثِيطَّاوِين غَار زَّاث ذ ذفَّار.

يعيبرانيين 12:23

ثْقَارّْبم-د غَار يِنِّي يتْمُوْنن ذِي ڒفْرَاحث يعْنِي غَار جْمَاعث ن يِنِّي يخْضَر أَربِّـي إِي د يخڒْقن ذ يمزْوُوْرَا يسمَاون نْسن تْوَازمّن ذݣ وجنَّا. ثْقَارّْبم-د غَار أَربِّـي ونِّي يدْجَان ذ ڒْقَاضِي خ مَارَّا يوْذَان. ثْقَارّْبم-د غَار اَرُّوْحَاث ن صَّالِحِين يَارِّي-ثن أَربِّـي بْڒَا ڒْعِيب.

1 أيث-سلونيك 4:3

أَقَا ڒْخَاضَر ن أَربِّـي يتْخصَّا-كنِّيو اَذ تِيڒِيم ثصْفَام اَذ تْبعّْذم زِي لْفَسَاد.

أيث-كولوس 3:20

آي يحنْجِيرن، طَاعم إِ لْوَالِدِين نْوم ذِي مَارَّا ثِمسْڒَايِين مِينْزِي مَانَايَا يتْعجِيب-اَس إِ سِيذِي أَربِّـي.

أيث-فيليـپـي 2:11

أَذ يعْتَرف كُڒ يِيڒس اَذ يِينِي خ عِيْسَى لْمَسِيح قَا نتَّا ذ سِيذِيثْنغ اَزَّايس يسمْغَار أَربِّـي بَابَاثْنغ.

أيث-ݣلاطيا 1:5

أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث. آمِين.

أيث-روما 11:36

أَقَا مَارَّا يُوْسَا-د يكَّا-د زَّايس، كُلْشِي نّس. أَغَارس ثِيڒِي لْعَظَمَا إِ نتَّا إِ ڒبْدَا. آمِين.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

أيث-روما 16:27

أَربِّـي وَاحْذس إِي غَار ثدْجَا لْحِكْمَا، أَغَارس ثِيڒِي لْعَظَمَا إِ نتَّا إِ ڒبْدَا ن ڒبْدَاث س عِيْسَى لْمَسِيح! آمِين.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:31

ؤُو يݣِّين مِين يخس بَابَاثْسن زِي ثْنَاين-أَ؟" نَّان-اَس: "أَمزْوَارُو." ينَّا-ٱسن عِيْسَى: "أَقَا تسْڒَام ڒْحَقّ: ئِعشَّارن ذ ثمْغَارِين يفّْغن اَبْرِيذ اَذَاوم يزْوَارن غَار ڒْمُلْك ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:21

مَاشِي مَارَّا يِنِّي إِي ذَايِي يقَّارن آ سِيذِي آ سِيذِي اَذ اَذْفن غَار ڒْمُلْك وجنَّا؛ لَّا، وَار ث تِيذْفن شَا إِلَّا يِنِّي يتݣّن مِين يخس بَابَا إِݣ يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:50

ينَّا-ٱس: "ونِّي يتݣّن س مِين يخس بَابَا إِي يدْجَان ذݣ وجنَّا، أَتَاف نتَّا ذ ؤُمَا ذ ؤُتْشْمَا ذ يمَّا."

2 تيموتاوس 3:17

حمَا اَرْيَاز ن أَربِّـي اَذ يِيڒِي يوْجذ اَذ يَاف يذبَّر-اَس س قَاع ثِمسْڒَايِين عْلَاحْسَاب كُڒ ڒْخذْمث ذ ثَصبْحَانْت.

يعيبرانيين 12:28

خ مَانَايَا أَ نْشكَّر أَربِّـي ڒَاحقَّاش نقْبڒ يجّن ن ڒْمُلْك وَار يتنْهزِّين شَا. أَمُّو اَذَاس نْقدّم إِ أَربِّـي يجّن ن لْعِبَادَا س ڒُوقَّار ذ ثِيݣّْوْذِي اَخَاس يَارْضَا نتَّا،