يعيبرانيين 13:20 - ثريفيث 2020

²⁰ أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

يعيبرانيين 13:20 Խաչաձեւ Հղումներ

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

أيث-روما 15:33

أَربِّـي ن ڒهْنَا اَكِذْوم يِيڒِي مَارَّا إِذْوم. آمِين.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

يوحنا 10:14

نش ذ ونِّي إِي ثن يَروّْسن ذ صَّح. سّْنغ يحُوْڒِيْين ينُو يحُوْڒِيْين ينُو سّْنن-اَيي، مَامّش ذَايي يسّن بَابَا نش سّْنغ-ث. ثُوْذَارْث ينُو، تْصدَّاقغ-ت خ يحُوْڒِيْين ينُو.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

1 بطرس 2:25

تُوْغَا كنِّيو اَم يحُوْڒِيْين يتْودَّرن، ڒخُّو ثْذوْڒم-د غَار ونِّي إِي كنِّيو يرَاسّن يتْكلَّافن زِي ڒَعْمَار نْوم.

ڒخذايم 3:15

ثنْغِيم ونِّي يدْجَان ذ لْأَصل ن ثُوْذَارْث، وَلَكِن أَربِّـي يسكَّر-يث-يذ زِي ڒْموْث، نشِّين نشْهذ خَاس.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

أيث-كولوس 2:12

يعْنِي ثنْضْڒم اَكِذس س طَّهَارث نْوم ذݣ وَامَان، أُو عَاوذ س طَّهَارث نْوم ذݣ وَامَان ثكَّارم-د اَكِذس زِي ڒْموْث س لْإِيمَان نْوم ذِي ثْزمَّار ن أَربِّـي ونِّي د يسكَّرن عِيْسَى زِي ڒْموْث.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يعيبرانيين 9:20

ينَّا-ٱسن قَا يِيْنَا ذ يذَامّن ن ڒْعَهذ إِي ذَاوم يُوْمَر أَربِّـي اَذ تݣّم.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

أيث-فيليـپـي 4:9

مِين ثْڒمْذم ذ مِين ثْقبْڒم زَّايِي ذ مِين ثسْڒِيم ذ مِين ثࢲْرِيم خَافِي يتْخصَّا أُو لَابُد اَذ تسْخذْمم ثِمسْڒَاِيِين-أَ. ثُمَّا اَكِذْوم يِيڒِي أَربِّـي ن ڒهْنَا.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

ڒخذايم 5:30

أَربِّـي ن ڒجْذُوْذ نّغ يسكَّر-د عِيْسَى ونِّي إِي ثنْغِيم كنِّيو ثْرفْعم-ث خ ثحْنَاشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:28

ڒْكَاس-أَ ذَايس يذَامّن ن ڒْعَهذ، يعْنِي ذ يذَامّن ينُو إِي غَا يَازّْڒن عْلَاحْسَاب اَطَّاس ن يِوْذَان حمَا اَذَاسن يغْفَر أَربِّـي ڒْمُعْصِيَاث نْسن.

أيث-ؤفسوس 1:20

إِݣ يݣَّا ذِي لْمَسِيح وَامِي ثِيذ يسكَّر زِي ڒْموْث يسْغِيم-يث خ وفُوْسِي نّس ذݣ يجنَّاثن.

أيث-ݣلاطيا 1:1

نش ذ بُوْلُس، نش ذ يجّن ن اَرَّسُوْل ماشي س يِوْذَان نِغ س ڒْخَاضَر ن بْنَاذم؛ لَّا، نش ذ اَرَّسُوْل س عِيْسَى لْمَسِيح أُو عَاوذ س أَربِّـي بَابَاثْنغ إِي د يسكَّرن عِيْسَى زِي ڒْموْث.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 4:14

نسّن ونِّي إِي د يسكَّرن سِيذِيثْنغ عِيْسَى نتَّا عَاوذ اَذَانغ د يسكَّر اَك عِيْسَى اَذَانغ يسحْضَار اَكِذْوم زَّاث نّس.

1 أيث-كورينث 15:15

مَعْلِيك اَمنِّي، إِڒِي نُوْفَا يخف نّغ نْشهّذ ࢲُّوْر خ أَربِّـي. مَايمِّي؟ ڒَاحقَّاش نشْهذ خ أَربِّـي بلِّي يسكَّر-د لْمَسِيح زِي ڒْموْث. وَلَكِن مَعْلِيك وَار تِيڒِي بُو لْقِيَامَا ن يمتِّينن، إِڒِي أَربِّـي زَعْمَا وَار د يسكَّر شَا لْمَسِيح زِي ڒْموْث.

1 أيث-كورينث 14:33

لِأَنَّا أَربِّـي وَار يدْجِي بُو ن ڒْفَاوْضَا وَلَكِن ن ڒهْنَا. ذ ثَانِيتَا ذ لْعَادَا إِي ذَايْسنْت ذِي مَارَّا ثِجُمَاع ن ڒْمُوْمِنِين.

1 أيث-كورينث 6:14

أَربِّـي س جّْهذ نّس يسكَّر-د سِيذِيثْنغ زِي ڒْموْث، أَذَانغ د يسكَّر زِي ڒْموْث ؤُڒَا ذ نشِّين.

ڒخذايم 17:31

مَايمِّي؟ أَربِّـي يزمّم يجّن ن نْهَار إِي ذِي غَا يحَاسب مَارَّا يوْذَان س ڒْحَقّ خ وفُوْس ن بْنَاذم نِّي إِݣ يخْضَر. يُوْشَا-ٱسن دَّلِيل إِ مَارَّا يوْذَان خ مَانَايَا وَامِي ثِيذ يسكَّر زِي ڒْموْث."

ڒخذايم 13:30

وَلَكِن أَربِّـي يسكَّر-يث-يذ زِي ڒْموْث.

ڒخذايم 2:32

عِيْسَى-يَا وَانِيتَا يسكَّر-يث-يذ أَربِّـي زِي ڒْموْث، أَقَا نشِّين مَارَّا نْشهّذ خ مَانَايَا.

لوقا 22:20

أَمُّو عَاوذ منْبَعْد إِ ومنْسِي ييْسِي-د ڒْكَاس ينَّا-ٱسن: "ڒْكَاس-أَ ذ ڒْعَهذ ذ جْذِيذ إِي كِذْوم تݣّغ س يذَامّن ينُو اَذ اَزّْڒن عْلَاحْسَاب كنِّيو."

مرقس 14:24

ينَّا-ٱسن: "ڒْكَاس-أَ ذَايس يذَامّن ن ڒْعَهذ، يعْنِي ذ يذَامّن ينُو إِي غَا يَازّْڒن عْلَاحْسَاب اَطَّاس ن يِوْذَان.

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

ڒخذايم 4:10

إِيوَا يتْخصَّا اَذ تسّْنم كنِّيو ذ مَارَّا أَيث-إِسْرَائِيل بلِّي اَرْيَاز-أَ إِي ذَا يبدّن زَّاثْوم يݣّنْفَا س يِيسم ن عِيْسَى لْمَسِيح زِي نَاصِرَا. كنِّيو ثْصلّْبم-ث، وَلَكِن أَربِّـي يسكَّر-يث-يذ زِي ڒْموْث.

أيث-روما 10:7

نِغ: مِين يعْنَا وِي غَا يهْوَان غَار ڒَادْجغ بْڒَا ڒَاحدّ (يعْنِي بَاش اَذ د يَارّ لْمَسِيح زݣ يِنِّي يمُّوْثن)؟