يعيبرانيين 13:17 - ثريفيث 2020

¹⁷ طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

يعيبرانيين 13:17 Խաչաձեւ Հղումներ

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

1 بطرس 5:5

آي يحنْجِيرن، كنِّيو طَاعث عَاوذ إِ يِنِّي يدْجَان ذ يمقّْرَانن. سْوجْذث يخف نْوم مَارَّا كنِّيو س يِجّن ن اَرَّاي اَك وَايَاوْيَا وَار ذَايس بُو تَّكبُّر مِينْزِي <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

أيث-فيليـپـي 2:29

رحّْبم-ث س سِيذِيثْنغ س يِجّن ن ڒفْرَاحث ذ تَمقّْرَانْت، وقَّرث يرْيَازن اَم نتَّا.

أيث-روما 14:12

فَلِهَذَا، مْكُڒ يجّن زَّايْنغ اَذ يتْوَاحَاسب زَّاث إِ أَربِّـي.

2 أيث-سلونيك 3:14

ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا.

يعيبرانيين 13:24

سِيوْضم-اَسن سْڒَام إِ مَارَّا يِنِّي إِي خَاوم يتْرَايَّان ذ مَارَّا صَّالِحِين. يِيْنَا زِي إِطَالْيَا سَاوَّاضن-اَوم-د سْڒَام.

أيث-فيليـپـي 4:1

إِذن آي أَيثْمَا إِي خَافِي يعِيزّن إِي تْوحَّاشغ إِݣ يدْجَان ذ ڒفْرَاحث ينُو ذ تَّاج ينُو، أَمنِّي لَابُد يتْخصَّا اَذ تقِّيمم ثْبدّم ذِي سِيذِيثْنغ آي يمْعِيزّن ينُو.

أيث-فيليـپـي 3:18

لِأَنَّا ذِنِّي اَطَّاس ن يِنِّي يݣُّوْرن ذ ڒْعَذْيَان خ صَّلِيب ن لْمَسِيح. أَوَاڒ-أَ نِّيغ-اَوم-ث زِي قْبڒ، ڒخُّو تْعَوَاذغ-اَوم-ث س يمطَّاون ينُو.

ثبرات غار يعقوب 4:7

س مَانَايَا طَاعث إِ أَربِّـي. عَرّْضث إِ إِبْڒِيس، أَزَّايْوم يَرْوڒ.

أيث-فيليـپـي 1:4

كُڒ ثْوَاڒَات تْࢲَادْجِيغ خَاوم ذِي ثْࢲَادْجِيث ينُو س يِجّن ن ڒفْرَاحث ذ ثَمقّْرَانْت

لوقا 16:2

ئِكَّر سِّيّد نِّي يڒَاغَا-د خَاس ينَّا-ٱس: مِين خَاك تسْڒِيغ؟ ؤُش-اَيِي-د ڒحْسَاب يدْجَان جَارَانغ. زِي نْهَارَا اَڒ ثْسَاونْت وَار تْغِيمِيذ شَا اَذ تِيڒِيذ ذ اَوقَّاف ينُو.

أيث-ؤفسوس 5:21

طَاعم إِ وَايَاوْيَا عْلَاحْسَاب ڒُوقَّر نْوم إِ لْمَسِيح.