يعيبرانيين 13:14 - ثريفيث 2020

¹⁴ مِينْزِي ذَانِيتَا وَار غَارْنغ بُو ثنْدِينْت يتْدُوْمَان؛ لَّا، نْرزُّو خ ثنْدِينْت نِّي إِي د غَا يَاسن.

يعيبرانيين 13:14 Խաչաձեւ Հղումներ

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

يعيبرانيين 12:22

وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

أيث-ؤفسوس 2:19

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

1 أيث-كورينث 7:29

فَا آي اَيثْمَا، مِين رزُّوْغ اَذ ينِيغ؟ ڒْوقْث اَقَا ثْقَارّب-د. سَّا ٱڒ ثْسَاونْت يِنِّي يمڒْشن اَذ عِيشن اَخْمِي وَار مْڒِيشن شَا،

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

يعيبرانيين 4:9

فَلِهَذَا عَاذ يقِّيم يجّن ن سّبْث، يعْنِي ذ يجّن ن ڒْوقْث ن اَرَّاحث إِ شَّعْب ن أَربِّـي.

يعيبرانيين 2:5

ڒخُّو نشِّين نسَّاوَاڒ خ دُّنشْت-أَ إِي تُوْغَا نتْرَاجَا. شُوْف، أَربِّـي مَاشِي إِ لْمَلَائِكَاث ؤُمِي يُوْشَا ڒحْكَام خ دُّنشْت-أَ لَّا. أَقَا ذِنِّي يجّن ن ومْشَان ذِي لْكِتَاب مَانِي يشْهذ يجّن خ مَانَايَا يقَّار: <تْفكَّرذ شك ذݣ يرْيَازن، مَاشَا مِين سْوَان؟ مِّيس ن بْنَاذم، مَايمِّي إِي ذَايس غَا يتْهِلَّان؟

يعيبرانيين 9:11

فَا لْمَسِيح وَامِي د يحْضَار ذ ڒفْقِي اَمقّْرَان ن ثْمسْڒَايِين-أَ إِي د يُوْسِين، يعْنِي يُوْذف اَقِيضُوْن نِّي يدْجَان عَظِيم وَار ذَاس ينْقِيس وَالُو وَار ث بْنِين شَا يفَاسّن ن بْنَاذم، وَار يدْجِي شَا زِي مِين د يتْوَاخڒْقن ذِي دُّنشْت-أَ.

يعيبرانيين 10:34

لِأَنَّا يمحْبَاس قِّيمن ذَايْوم ذݣ وُوْڒ. عَاوذ ثصْبَارم س ڒفْرَاحث وَامِي ذَاوم كّْسِين اَݣْڒَا نْوم، تُوْغَا تسّْنم عَاذ اَغَارْوم يِيڒِي يجّن ن وَاݣْڒَا حْسن زݣ ونّغْنِي، يتْدُوْمَان.

يعيبرانيين 12:27

أَوَاڒ نِّي نّس يعْنِي <عَاذ اَذ د تَاس يجّن ن ڒْوقْث> اَتَاف نتَّا يسَّاوَاڒ خ شَا ن ثْمسْڒَايِين يتنْهزَّان اَذ تْوَاكّْسنْت يعْنِي ذ ثِمسْڒَايِين نِّي إِي د يتْوَاخڒْقن بَاش ثِمسْڒَايِين نِّي إِي وَار يتنْهزِّين شَا اَتَاف اَذ قِّيمنْت.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.