يعيبرانيين 12:23 - ثريفيث 2020

²³ ثْقَارّْبم-د غَار يِنِّي يتْمُوْنن ذِي ڒفْرَاحث يعْنِي غَار جْمَاعث ن يِنِّي يخْضَر أَربِّـي إِي د يخڒْقن ذ يمزْوُوْرَا يسمَاون نْسن تْوَازمّن ذݣ وجنَّا. ثْقَارّْبم-د غَار أَربِّـي ونِّي يدْجَان ذ ڒْقَاضِي خ مَارَّا يوْذَان. ثْقَارّْبم-د غَار اَرُّوْحَاث ن صَّالِحِين يَارِّي-ثن أَربِّـي بْڒَا ڒْعِيب.

يعيبرانيين 12:23 Խաչաձեւ Հղումներ

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

يعيبرانيين 11:40

تُوْغَا أَربِّـي يذبَّر-اَنغ-د إِ نشِّين زِي قْبڒ يجّن ن ڒْحَاجث حْسن بَاش نِثْنِي وَار تِيوِيضن شَا غَار ونݣَّارُو يعْنِي اَذ يڒِين كمْڒن بْڒَا نشِّين.

لوقا 10:20

إِنَّمَا، وَار فَرّْحث شَا وَامِي جْنُوْن ذَاوم تݣّن اَرَّاي. لَّا، فَرْحث وَامِي يسمَاون نْوم ؤُرِين زمّن ذݣ وجنَّا."

لواحي ن يوحنا 14:4

يِـيْنَا ذ يِنِّي وَار يࢲْرِين عمَّارْص ثِمْغَارِين قِّيمن ذ يعْزْرِيْين. يِـيْنَا ذ يِنِّي يذفَّارن يزْمَار مَانِي مَا يرُوْح. تْوَاسْنجْمن نِثْنِي زِي ڒْوسْط ن يِوْذَان حمَا اَذ تْوَاقدّْمن ذ يمزْوُوْرَا إِ أَربِّـي ذ يِزْمَار.

لواحي ن يوحنا 20:15

ونِّي وَار غَار ؤُفِين شَا يسم نّس يزمّم ذِي لْكِتَاب ن ثُوْذَارْث قَا يمنْضَار-د ذِي ڒبْحَر ن ثْمسِّي.

يعيبرانيين 9:27

ڒْموْث يتْمتَّا-ت بْنَاذم يجّن ن ثْوَاڒَا، ثُمَّا يذفَّار-يت لْحِسَاب ذ لْعِقَاب.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

1 بطرس 2:23

وَامِي تُوْغَا خَاس تْبُوْصَارن، نتَّا وَار خَاسن د يَارِّي شَا اَبُوْصَار نْسن. وَامِي تُوْغَا ث تْعدَّابن، نتَّا وَار ثن يهدّذ شَا؛ لَّا، نتَّا يسلّم يخف نّس ذݣ يفَاسّن ن ونِّي يتحْكَامن نِيْشَان.

يعيبرانيين 11:4

س لْإِيمَان يكَّر نَّبِي هَابِيل يقدّم يجّن ن دْبِيحث إِي زِي خَاس يَارْضَا أَربِّـي حْسن زِي ثنِّي ن وُوْمَاس قَابِيل. عْلَاحْسَاب لْإِيمَان-أَ يتْشكَّر-يث أَربِّـي يقْبڒ-يث نتَّا نِيشَان وَامِي خَاس يسِّيوڒ أَربِّـي مْلِيح خ مِين يقدّم. أُو نَّبِي هَابِيل س لْإِيمَان نّس نتَّا عَاذ يسَّاوَاڒ وَاخَّا يمُّوْث.

1 تيموتاوس 3:5

إِيوَا بْنَاذم-أَ مڒَا وَار يسِّين شَا اَذ يحْكم خ ثدَّارْث نّس، مَامّش إِي غَا يݣّ اَذ يتْرَايَا خ جْمَاعث ن ڒْمُوْمِنِين ن أَربِّـي؟

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

يوحنا 5:27

يُوْشَا-ٱس عَاوذ جّْهذ حمَا اَذ يحَاسب مِينْزِي نتَّا ذ مِّيس ن بْنَاذم.

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

أيث-كولوس 1:12

بَاش اَذ تْشكَّرم بَابَاثْنغ ونِّي إِي ذَاوم يُوْشِين ڒْحَقّ اَذ تْشَرْشم ذِي لْوَرث ن صَّالِحِين ذِي نُّوْر.

22 أيث-كورينث 5:8

وَار نْتفْشِيڒ شَا، لَّا! مَعْلِيش نشِّين مڒَا نْتَاݣّْوَاج زِي دَّات-أَ ن دُّنشْت-أَ اَتَاف نشِّين نتْعِيش اَك سِيذِيثْنغ.

1 أيث-كورينث 15:54

مِين يفنَّان خْمِي غَا يغْمس س مِين وَار يفنِّين، ذ مِين يتْمتَّان خْمِي غَا يغْمس س مِين وَار يتْمتِّين، ڒخْدّنِّي اَذ د يفّغ مِين يُوْرِين ذِي لْكِتَاب: <ڒْموْث يسغْڒي-ت اَرْبَاح.>

1 أيث-كورينث 13:12

أَقَا ڒخُّو نْخزَّر ذݣ يِجّن ن ثِيسِيث وَار ثصْفِي شَا، مَاشَا منْبَعْد أَ نمْࢲر مْلِيح قَارَا ذِي قَارَا. ڒخُّو مِين سّْنغ ذ اَنقْصِي إِݣ يدْجَا، منْبَعْد اَذ سّْنغ نش ثِمسْڒَايِين مَارَّا، كِيف-كِيف مَامّش تْوَاسّْنغ نش ذَانِيتَا.

1 أيث-كورينث 15:49

مَامّش نتْشَابَّاه ذِي صِّفث ن ونِّي يتْوَاصنّْعن زݣ وشَاڒ، أَمنِّي عَاوذ إِي غَا نْشَابَّاه ذِي صِّفث ن ونِّي زݣ وجنَّا.

يعيبرانيين 2:12

لَّا، يقَّار-اَس إِ أَربِّـي: <أَذ سِّيوْڒغ خ يِيسم نّش اَك أَيثْمَا، ذِي ڒْوسْط ن جْمَاعث اَش حمْذغ س يغنِّيجن.>

لواحي ن يوحنا 6:9

ئِزْمَار نِّي وَامِي يرْزم اَشمَّاع وِيس خمْسَا، ࢲْرِيغ سْوَادَّاي إِ ڒْمذْبَح بُوْحْبڒ ن يِنِّي يتْوَانْغن عْلَاحْسَاب اَوَاڒ ن أَربِّـي ذ شْهَاذث إِي شهْذن.

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.