يعيبرانيين 12:22 - ثريفيث 2020

²² وَلَكِن كنِّيو ثْقَارّْبم-د غَار وذْرَار ن صِيَان يعْنِي ثَنْدِينْت ن أَربِّـي يدَّرن ذ لْقُدْس ن وجنَّا، ذَايس اَڒَاف ن ؤُرُوْفَاث ن لْمَلَائِكَاث.

يعيبرانيين 12:22 Խաչաձեւ Հղումներ

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

أيث-ݣلاطيا 4:26

وَلَكِن ثَنْدِينْت ن لْقُدْس إِي يدْجَان ذݣ وجنَّا اَقَات حُرّ، نتَّاث ذ يمَّاثْنغ.

لواحي ن يوحنا 14:1

وَامِي خْزَرغ، تْوَاڒِيغ يزْمَار يبدّ خ وذْرَار ن لْقُدْس اَكِذس مِيَّا أُو اَرْبعَا أُو اَرْبعِين اَڒَاف. يُوْرَا خ ثنْيَارْث نْسن يسم ن يِزْمَار ذ يِيسم ن بَابَاس.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.

لواحي ن يوحنا 22:19

ونِّي غَا يكّْسن زݣ وَاوَاڒن-أَ ن لْوَاحِي ذِي لْكِتَاب-أَ، أَتَاف أَربِّـي اَس يكّْس ڒْحَقّ نّس زِي ثْمسْڒَايِين إِݣ يُوْرِين ذِي لْكِتَاب-أَ، يعْنِي ڒْحَقّ نّس ن ثْشجَّارْث ن ثُوْذَارْث ذ ڒْحَقّ نّس ن ثنْدِينْت يقدّْسن.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

يعيبرانيين 13:14

مِينْزِي ذَانِيتَا وَار غَارْنغ بُو ثنْدِينْت يتْدُوْمَان؛ لَّا، نْرزُّو خ ثنْدِينْت نِّي إِي د غَا يَاسن.

يعيبرانيين 11:10

ڒَاحقَّاش بْرَاهِيم يتْرَاجَا ثَنْدِينْت نِّي غَار دْجَان دْسَاسَاث يتْدُوْمَان، ئِخَطّ-يت أَربِّـي يبْنَا-ت.

لواحي ن يوحنا 21:10

ئِيْسِي-اَيِي اَرُّوْح غَار يِجّن ن وذْرَار ذ اَمقّْرَان يُوْعْڒَا، ئِسْمظْهَار-اَيِي-د ثَنْدِينْت يقدّْسن يعْنِي لْقُدْس، ثهْوَا-د زݣ وجنَّا زِي أَربِّـي.

لواحي ن يوحنا 7:2

ࢲْرِيغ يجّن ن لْمَلَاك نّغْنِي يتْݣَعَّاذ-د زِي شَّرْق ييْسِي-د طَّابَع ن أَربِّـي يدَّرن، ئِڒَاغَا س يِجّن ن ثْمِيجَّا ثجْهذ إِ اَرْبعَا ن لْمَلَائِكَاث نِّي ثِنِّي ؤُمِي يمُّوْش جّْهذ حمَا اَذ ضيّْعنْت ڒْبَرّ ذ ڒبْحَر.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

يعيبرانيين 10:31

مڒَا يجّن حكّْمن خَاس يفَاسّن ن أَربِّـي يدَّرن، أَتَاف مَانَايَا يسَاݣّْوَاذ.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

يعيبرانيين 3:12

آي اَيثْمَا، حْضَام يخف نْوم بَاش ؤُڒَا ذ يجّن زَّايْوم وَار غَارس يتِيڒِي وُوْڒ ذ اَبرْشَان نِغ وَار ذَايس يتِيڒِي بُو لْإِيمَان بَاش وَار يتْبعِّيذ شَا نتَّا خ أَربِّـي يدَّرن.

1 أيث-سلونيك 1:9

ئِوْذَان نِّي س يِيخف نْسن سُوْفُوْغن خَاوم ڒخْبَار خ مَامش إِي ذَانغ ثْقبْڒم ذ مَامش إِي ثْسمْحم ذِي لْأَصْنَام بَاش اَذ تْعبْذم أَربِّـي يدَّرن إِي يدْجَان ذ صَّح.

أيث-روما 11:26

أَمنِّي إِي غَا نجْمن مَارَّا أَيث-إِسْرَائِيل مَامّش يقَّار لْكِتَاب: <زِي لْقُدْس إِي د غَا يَاس ونِّي إِي ثن غَا يسْنجْمن، أَذ يسْبعّذ شَّرّْ خ ثَارْوَا ن يَعْقُوْب.

أيث-روما 9:26

أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:35

ؤُڒَا س ثْمُوْرْث ڒَاحقَّاش خَاس يتْمَارْسن يضَارن نّس؛ وَاخَّا س ثنْدِينْت ن لْقُدْس ڒَاحقَّاش نتَّاث ذ ثَنْدِينْت ن وزدْجِيذ اَمقّْرَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:16

ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

أيث-ؤفسوس 2:19

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 11:16

وَلَكِن لَّا، رزُّوْن خ يِجّن ن ثْمُوْرْث حْسن زِي ثنِّي، يعْنِي يشْتن ذݣ وجنَّا. خ مَانَاينِّي أَربِّـي وَار يسذْحِي شَا اَذَاس ينِين قَا شك ذ أَربِّـي نّغ مِينْزِي نتَّا يسوْجذ-اَسن يجّن ن ثنْدِينْت.