يعيبرانيين 12:18 - ثريفيث 2020

¹⁸ شُوْف، كنِّيو وَار ثْقَارّْبم شَا غَار يجّن ن وذْرَار إِي غَا تْحَاذَام س وفُوْس ذَايس ثِمسِّي ثْحدّق ذَايس ثَادْجسْت ذَايس ثُوْبَرْشَانْت ذَايس اَرِّيح اَطَّاس.

يعيبرانيين 12:18 Խաչաձեւ Հղումներ

2 تيموتاوس 1:7

أَقَا أَربِّـي وَار ذَانغ يُوْشِي شَا يجّن ن اَرُّوْح ن ثِيݣّْوْذِي؛ لَّا، قَا يُوْشَا-ٱنغ-د يجّن اَرُّوْح ن جّْهذ ذ ڒمْحِبّث ذ ڒحْكَام خ يِيخف نّغ س ڒَعْقڒ.

22 أيث-كورينث 3:9

مڒَا غَارس لْعَظَمَا غَار شَّرِيعَا نِّي إِي تُوْغَا د يتَاوِين لْحِسَاب ذ لْعِقَاب، أَتَاف ڒْعَهذ-أَ إِي د يتَاوِين صُّلْح مشْحَاڒ ثمْغَر لْعَظَمَا نّس كْتَار زِي ثنِّي نّغْنِي.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

22 أيث-كورينث 3:7

فَا شَّرِيعَا نِّي ن ڒْموْث، ثِيرَا نّس نقْشنْت ذِي ثڒْوِيحِين ن وزْرُو. شَّرِيعَا نِّي ثُوْسَا-د س يِجّن ن لْعَظَمَا ذ ثَمقّْرَانْت، أَتَاف أَيث-إِسْرَائِيل وَار زمَّرن اَذ قِّيمن خزَّرن ذݣ وغمْبُوْب ن مُوْسَى س لْعَظَمَا نِّي إِي ذَايس يتْشعْشِيْعن وَاخَّا تِيڒِي تْرَاح-اَس لْعَظَمَا نِّي.