يعيبرانيين 12:11 - ثريفيث 2020

¹¹ ذِي ڒْوقْث نّس كُڒ تَّرْبِـيّث تْغِيڒ-اَنغ ثقْسح مَاشِي ذ ثَصبْحَانْت. وَلَكِن منْبَعْد اَذ تَارو يجّن ن ثْفدْجَاحْث ن ڒْخِير ذ يجّن ن ڒهْنَا إِ يِنِّي إِي ت غَا يڒمْذن.

يعيبرانيين 12:11 Խաչաձեւ Հղումներ

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

1 بطرس 1:6

س وسنْجم-أَ كنِّيو ثْفَرّْحم وَاخَّا ڒبْعَاض زَّايْوم تْوَاعدَّابن ڒخُّو ذِي ڒمْحَاين شْوِيت ن ڒْوقْث.

يعيبرانيين 12:10

شُوْف، لْوَالِدِين تْربَّان-اَنغ ذݣ يِجّن ن ڒْوقْث، تݣّن مَامّش ذَاسن يتْغِيڒ مْلِيح. وَلَكِن أَربِّـي يتْربَّا-يَانغ خ نّْفَع نّغ بَاش أَ نْشَرش ذِي طَّبِيعَا نّس يدْجَان عَظِيم.

يعيبرانيين 5:14

وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.