يعيبرانيين 12:10 - ثريفيث 2020

¹⁰ شُوْف، لْوَالِدِين تْربَّان-اَنغ ذݣ يِجّن ن ڒْوقْث، تݣّن مَامّش ذَاسن يتْغِيڒ مْلِيح. وَلَكِن أَربِّـي يتْربَّا-يَانغ خ نّْفَع نّغ بَاش أَ نْشَرش ذِي طَّبِيعَا نّس يدْجَان عَظِيم.

يعيبرانيين 12:10 Խաչաձեւ Հղումներ

2 بطرس 1:4

عْلَاحْسَاب ثِمسْڒَايِين-أَ نتَّا يُوْشَا-ٱنغ-د لْوُعُوْد نّس يمْغَارن إِݣ يسوَّان اَطَّاس. حمَا س لْوُعُوْد-أَ اَذ تْشَرْشم ذِي طَّبِيعَا ن ونِّي يُوْعْڒَان وَامِي ثَروْڒم زِي مِين يفنَّان ذِي دُّنشْت-أَ عْلَاحْسَاب شّهَاوَاث ثِعفَّانِين.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

أيث-كولوس 1:22

وَلَكِن ڒخُّو لَّا، أَربِّـي يسمْصْڒَاح-يكنِّيو اَكِذس س دَّات ن لْمَسِيح يعْنِي س ڒْموْث نّس بَاش اَكنِّيو يقدّم زَّاثس ثصْفَام بْڒَا ڒْعِيب وَار ذِنِّي بُو وِي كنِّيو إِي غَا يتَاهَامن.

أيث-ؤفسوس 4:24

اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

1 بطرس 2:5

ؤُڒَا ذ كنِّيو عَاوذ اَم شَا ن يِزْرَا يدَّرن زَّايْوم إِي ثْبنَّا يجّن ن ثدَّارْث ن أَرُّوْح يقدّْسن. حمَا اَذ تِيڒِيم كنِّيو ذ يجّن ن جْمَاعث ن ڒْفُقَهَا صَّالِحِين، تْقدَّامم دْبِيحَاث رُّوْحِيَاث يَارْضَا خَاسنْت أَربِّـي س وفُوْس ن عِيْسَى لْمَسِيح.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.