25 ئِخْضَر اَخَاس بُوْصَارن يمِصْرِيْين اَك شَّعْب ن أَربِّـي، وَار يقْبِيڒ شَا اَذ يفَرح ذݣ وفلّس نِّي وَار يتْدُوْمِين شَا.
س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.
مشْحَاڒ مَا ثْسمْغَار يخف نّس، مشْحَاڒ مَا ثْعِيش ذِي شّهْوث نّس، أَنشْتـنِّي إِي ت غَا ثْعدّْبم، أَنشْتـنِّي إِي ت غَا ثسْخيّْقم. لِأَنَّا نتَّاث ثقَّار ذݣ وُوڒ نّس: أَقَا قِّيمغ ذَا اَم لْمَلِكَا، نش وَار دْجِيغ شَا ذ ثَاجَّاڒْث، عمَّارْص أذ حزْنغ.
تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.
كنِّيو تْعِيشم ذِي دُّنشْت-أَ س وفلّس ذ شّهْوث نْوم. ثْذوْڒم ثْصَاحّم ثْوجْذم اَم يينْدُوْزن ذِي نْهَار نِّي إِي ذِي ذَاسن غَا غَرْصن.
مِينْزِي اَعصّب ن بْنَاذم وَار د يسِيوِّيض شَا مِين يدْجَان ذ ڒْحَقّ غَار أَربِّـي.
رجْمن-ثن س وزْرُو، قسّن-ثن خ ثْنَاين س ڒْمنْشَار، نْغِين-ثن س سِّيف. ݣُّوْرن س يِڒمَاون ن يحُوْڒِيْين ذ يغَايْذن. نِثْنِي ذ يمسْعَان، تْوَاعدَّابن، تنْعدَّان خَاسن.
فَا عقْڒث خ وُوْسَّان نِّي يعْذُوْن وَامِي خَاوم د يشعْشع نُّوْر. ثصْبَارم خ يِجّن ن ؤُمنْغِي يقْسح، ثْوَاجْهَام اَعدّب.
فَلِهَذَا عَاذ يقِّيم يجّن ن سّبْث، يعْنِي ذ يجّن ن ڒْوقْث ن اَرَّاحث إِ شَّعْب ن أَربِّـي.
إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.
ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.
وَار يدْجِي غِير مَانَايَا وَاهَا، نْفَرّح نشِّين ؤُڒَا ذِي ڒمْحَايْين. نسّن بلِّي ڒمْحَايْين-أَ تَارْونْت-يد صّْبَر.
ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.
وَامِي وَار يُوْوْثِي بُو يࢲوْرَان مْلِيح ذغْيَا تْنقْڒَاعن. خْمِي د تَاسنْت شَان ڒمْحَاين نِغ ذ شَان وعدّب خ سَّبَاب ن وَاوَاڒ ن أَربِّـي، ذغْيَا يتفّغ اَبْرِيذ.
أَقَا ࢲْرِيغ ڒَعْذَاب ن شَّعْب ينُو يدْجَان ذِي مِصْرَا، سْڒِيغ إِ يغُوْيَان نْسن اَقَا هْوِيغ-د اَثن سْنجْمغ. ڒخُّو اَرَاح-د شك اَش سّكّغ غَار مِصْرَا.