يعيبرانيين 11:13 - ثريفيث 2020

¹³ يِيْنَا مَارَّا مُّوْثن ذِي لْإِيمَان نِّي نْسن قْبڒ مَا ذَاسن د اَوْضنْت ثْمسْڒَايِين نِّي إِي زِي ثن يوْعذ. وَلَكِن ࢲْرِين-ثنْت رحّْبن زَّايْسنْت زِي ڒݣّْوَاج، عْتَرْفن بلِّي نِثْنِي ذ يبَرَّانِيْين ذ يعزَّابن ذِي ثْمُوْرْث-أَ.

يعيبرانيين 11:13 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:17

أَقَا تسْڒَام ڒْحَقّ: أَطَّاس ن لْأَنْبِيَا ذ ڒْمُوْمِنِين رْزُوْن اَذ ࢲرن مِين تْوَاڒَام، وَلَكِن وَار ث ࢲْرِين شَا. رْزُوْن اَذ سْڒن مِين تسْڒَام، وَلَكِن وَار ث سْڒِين شَا.

يوحنا 12:41

نَّبِي إِشَعْيَا ينَّا مَانَايَا خ عِيْسَى وَامِي يࢲْرَا لْعَظَمَا نّس يسِّيوڒ خَاس نتَّا.

يوحنا 8:56

جدِّيثْوم بْرَاهِيم يفَرح اَطَّاس عْلَاحْسَاب خْمِي غَا يࢲر نْهَار ينُو، وَامِي ث يࢲْرَا يفَرح."

أيث-روما 4:21

نتَّا أَقَاث متْأَكّد اَطَّاس أَربِّـي يزمَّر اَذ يكمّڒ خ ڒْعَهذ نّس.

أيث-روما 8:24

أَقَا ذِي مزْڒِي-يَا نشِّين ننْجم. شُوْف، مڒَا صَافِي نُوْفَا مزْڒِي نِّي إِي نْرزُّو، أَتَاف صَافِي وَار ذَايْنغ يتِيڒِي بُو مزْڒِي عَاذ. مَا أَ نْرَاجَا عَاذ مزْڒِي نِّي مڒَا صَافِي نُوْفِي-ث؟

22 أيث-كورينث 4:18

وَار نسْرُوْسِي شَا ثِيطَّاوِين نّغ ذِي مِن نتْوَاڒَا، نْسْرُوْسَا-ثنْت ذِي مِن وَار نتْوِيڒِي شَا. لِأَنَّا مِن نتْوَاڒَا ذغْيَا يتْرَاح، مِن وَار نتْوِيڒِي شَا ذ ونِّي إِݣ يتْدُوْمَان إِ ڒبْدَا.

22 أيث-كورينث 5:6

إِذن عمَّارص أَ نفْشڒ نشِّين. نسّن مڒَا عَاذ اَقَانغ ذِي دَّات-أَ ن دُّنشْت-أَ نْتَاݣّْوَاج زِي سِيذِيثْنغ.

أيث-ؤفسوس 2:19

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي.

يعيبرانيين 11:14

ئِوْذَان إِي سَّاوَاڒن اَمُّو يتظْهَار-د بلِّي رزُّوْن خ يِجّن ن ثْمُوْرْث اَذ تِيڒِي ذ ثَمُوْرْث نْسن.

يعيبرانيين 11:17

س لْإِيمَان يكَّر نَّبِي بْرَاهِيم اَذ يقدّم ذ دْبِيحث س ممِّيس إِسْحَاق وَامِي ث يجَرّب أَربِّـي. يعْنِي تُوْغَا يتْقدَّام ذ دْبِيحث س ممِّيس وَاحْذس إِي زِي يوْعذ أَربِّـي بْرَاهِيم،

يعيبرانيين 11:27

س لْإِيمَان يكَّر مُوْسَى يفّغ زِي مِصْرَا، وَار يݣّْوِيذ شَا زݣ وغْضَاب ن وزدْجِيذ نِّي. ئِطّف ذِي لْإِيمَان نّس اَم يِجّن يتْوَاڒَان أَربِّـي نتَّا وَار يزمَّر اَث يࢲر حَدّ.

يعيبرانيين 11:39

مَارَّا يِيْنَا تْوَاشكَّرن س لْإِيمَان نْسن. إِنَّمَا، ؤُڒَا ذ يجّن زَّايْسن تُوْغَا عَاذ وَار ذَاس د يُوْوِيض شَا مِين زِي ث يوْعذ أَربِّـي.

1 بطرس 1:1

نش ذ بُطْرُس ذ اَرَّسُوْل ن عِيْسَى لْمَسِيح. تْسكِّيغ-د ثَبْرَات-أَ إِ يِنِّي إِݣ يخْضَر أَربِّـي إِي يدْجَان ذ يعزَّابن يتمْزدْجَاعن ذِي لْإِقْلِيم ن پُـنْطُس ذ لْإِقْلِيم ن ݣَلَاطْيَا ذ لْإِقْلِيم ن كَفَدُوْسْيَا ذ لْإِقْلِيم ن آسْيَا ذ لْإِقْلِيم ن بِـيْثَانْيَا.

1 بطرس 1:17

مڒَا ثقَّارم-اَس "آ بَابَا" إِ ونِّي يتحْسَابن ڒخْذَايم ن كُڒ بْنَاذم بْڒَا ؤُذمَاون اَتَاف يتْخصَّا اَذ تْعِيشم س يِجّن ن ثِيݣّْوْذِي اَخْمِي غَا ثْعزّْبم ذِي ثْمُوْرْث-أَ.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

1 يوحنا 3:19

أَمنِّي إِي غَا نسّن بلِّي نشِّين زِي لْحَقِيقَا، أَمنِّي عَاوذ أَ نسْريّح ؤُڒَاون نّغ زَّاث إِ أَربِّـي.