يعيبرانيين 10:36 - ثريفيث 2020

³⁶ أَقَا يتْخصَّا اَذ تصْبَارم، مَايمِّي؟ بَاش خْمِي غَا ثݣّم ڒْخَاضَر ن أَربِّـي، أَتَاف اَغَارْوم يِيڒِي مِينْزِي إِي كنِّيو يوْعذ.

يعيبرانيين 10:36 Խաչաձեւ Հղումներ

يعيبرانيين 12:1

إِذن عْلَاحْسَاب نِثْنِي، يعْنِي ڒشْهُوْذ نِّي ن لْإِيمَان إِي خَانغ يتنّْضن اَم يِجّن ن ؤُمُوْنِي ذ اَمقّْرَان، لَابُد أَ نكَّر أَ نكّس كُڒ دْقڒ ذ كُڒ ڒْمُعْصِيّث إِي ذَانغ يسحْصَارن. أَ نَازّْڒث س صْبَار ثَازّْڒَا نِّي إِي ذَانغ يتْرَاجَان غَار زَّاث.

1 أيث-كورينث 13:7

وَار ثْفطَّاح عمَّارْص. تَامن شْحَاڒ مَا ثكَّا. ثْصبَّر خ مِين مَا يدْجَان. س لْأَمَال ڒبْدَا تْمنَّا.

لوقا 21:19

س صّْبَار نْوم اَتَاف اَذ تْنجْمم.

يعيبرانيين 6:15

إِيوَا اَمُّو وَامِي يرَاجَا بْرَاهِيم س يِجّن ن صّْبَر يُوْوض-اَس-د مِين زِي ث يوْعذ أَربِّـي.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

لواحي ن يوحنا 14:12

ذِي لْحَالَا نِّي يتْخصَّا-يَاسن إِ ڒْمُوْمِنِين صَّالِحِين اَذ صْبَرن اَذ ݣّن اَرَّاي س ڒُوْصِيَاث ن أَربِّـي اَذ اَمْنن زِي عِيْسَى.

1 يوحنا 2:17

دُّنشْت-أَ اَقَا ثْعدُّو-د اَكِذس شّهَاوَاث نّس، وَلَكِن ونِّي يتݣّن ڒْخَاضَر ن أَربِّـي اَذ يقِّيم يدَّر إِ ڒبْدَا ن ڒبْدَاث.

أيث-ݣلاطيا 6:9

إِيوَا يتْخصَّا وَار نْتِيحڒ شَا ذِي ڒخْذَايم ن ڒْخِير. مَايمِّي؟ ڒَاحقَّاش اَڒ ڒْوقْث نِّي نِيشَان ن ومْجَار أَ نمْجَار يعْنِي مڒَا وَار نفْشِيڒ شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

أيث-روما 8:25

لَّا، وَلَكِن مڒَا عَاذ وَار ث نُوْفِي شَا اَتَاف اَث نْرَاجَا س صّْبَر.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

أيث-كولوس 3:24

كنِّيو ثسّْنم لْجَائِزَا نْوم اَذ تِيڒِي ذ يجّن ن لْوَارث زِي سِيذِيثْنغ. نتَّا ؤُمِي ثْخدّْمم نتَّا ذ سِيذِيثْنغ لْمَسِيح.

يعيبرانيين 13:21

أَذَاوم يذبَّر أَربِّـي مَارَّا ثِمسْڒَايِين ثِصبْحَانِين بَاش اَذ تݣّم ڒْخَاضَر نّس. أَذَايْنغ يخْذم مِين ذَاس يتعْجِيبن زَّاثس، س سِيذِيثْنغ عِيْسَى لْمَسِيح إِي غَار غَا ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 6:12

وَار نخْس شَا اَذ تْعݣْزم. ئِتْخصَّا اَذ تِيڒِيم اَم يِنِّي يتْوَارَاثن س صّْبَر ذ لْإِيمَان نْسن خ ثْمسْڒَايِين نِّي إِي زِي ثن يوْعذ أَربِّـي.

أيث-ؤفسوس 6:6

طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا اَذَاسن ثْعجْبم؛ لَّا، أَذ تِيڒِيم اَم يسمْغَان ن لْمَسِيح اَذ تݣّم س ڒْخَاضَر نْوم مِين يخس أَربِّـي.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:13

وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

لواحي ن يوحنا 13:10

ونِّي مِيْنْخف يُوْرَا اَذ يتْوَاحبّس، أَتَاف اَذ يتْوَاحبّس. ونِّي مِيْنْخف يُوْرَا اَذ يتْوَانغ س سِّيف، أَتَاف اَذ يتْوَانغ س سِّيف. ذِي لْحَالَا نِّي يتْخصَّا ڒْمُوْمِنِين صَّالِحِين اَذ صْبَارن اَذ اَمْنن.

1 بطرس 1:9

أَقَا كنِّيو ثْقبّْڒم لْغَرَض ن لْإِيمَان نْوم يعْنِي اَذ ينْجم ڒَعْمَار نْوم.

يعيبرانيين 6:17

خ مَانَايَا يضْمن أَربِّـي مَانَاينِّي س يِجّن ن ثْجَادْجِيث إِ يِنِّي إِي غَا يوَارْثن مِين زِي ثن يوْعذ. يعْنِي يخس اَذَاسن د يسظْهَار مْلِيح طَّبِيعَا ن لْغَرَض نّس عمَّارْص اَذ تْوَابدّڒ.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

ڒخذايم 13:22

ثُمَّا يكّس-يث أَربِّـي، يَارَّا دَاود ذ اَزدْجِيذ خَاسن. ئِشْهذ خَاس ينَّا قَا ؤُفِيغ دَاود مِّيس ن يَسَّى نتَّا ذ يجّن ن ورْيَاز يقْبڒ ڒْخَاضَر ينُو اَذ يݣّ مَارَّا مِين خْسغ.

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

لوقا 8:15

وَلَكِن زَّرِّيعث نِّي إِݣ يوْضَان ذِي ثْمُوْرْث ثَصبْحَانْت نتَّاث اَم يِوْذَان إِي تسْڒَان إِ وَاوَاڒ ن أَربِّـي قبْڒن-ث س وُوْڒ نْسن اَصبْحَان ذ اَشمْڒَاڒ، صبَّارن حمَا اَذ اَرْون.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:31

ؤُو يݣِّين مِين يخس بَابَاثْسن زِي ثْنَاين-أَ؟" نَّان-اَس: "أَمزْوَارُو." ينَّا-ٱسن عِيْسَى: "أَقَا تسْڒَام ڒْحَقّ: ئِعشَّارن ذ ثمْغَارِين يفّْغن اَبْرِيذ اَذَاوم يزْوَارن غَار ڒْمُلْك ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:50

ينَّا-ٱس: "ونِّي يتݣّن س مِين يخس بَابَا إِي يدْجَان ذݣ وجنَّا، أَتَاف نتَّا ذ ؤُمَا ذ ؤُتْشْمَا ذ يمَّا."

أَسڒْمذ ن سِيذِيثْنغ عِيْسَى لْكِتَاب ن مَتَّى 7:21

مَاشِي مَارَّا يِنِّي إِي ذَايِي يقَّارن آ سِيذِي آ سِيذِي اَذ اَذْفن غَار ڒْمُلْك وجنَّا؛ لَّا، وَار ث تِيذْفن شَا إِلَّا يِنِّي يتݣّن مِين يخس بَابَا إِݣ يدْجَان ذݣ وجنَّا.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

ڒخذايم 13:36

لِأَنَّا دَاود ذِي زْمَان نّس وَامِي يكمّڒ مِين يخس أَربِّـي صَافِي يمُّوْث، ئِتْوَانْضڒ طَّارف إِ ڒجْذُوْذ نّس صَافِي يكِيشّو.

مرقس 3:35

ينَّا-ٱسن: "ونِّي يتݣّن س مِين يخس أَربِّـي، أَتَاف نتَّا ذ ؤُمَا ذ وتْشْمَا ذ يمَّا."

أيث-روما 12:12

فَرْحث ذِي لْأَمَال. صْبَارث خ تَمَارَا. دَاوّْمث خ ثْࢲَادْجِيث.

يعيبرانيين 11:39

مَارَّا يِيْنَا تْوَاشكَّرن س لْإِيمَان نْسن. إِنَّمَا، ؤُڒَا ذ يجّن زَّايْسن تُوْغَا عَاذ وَار ذَاس د يُوْوِيض شَا مِين زِي ث يوْعذ أَربِّـي.