يعيبرانيين 10:23 - ثريفيث 2020

²³ أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 10:23 Խաչաձեւ Հղումներ

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

1 أيث-كورينث 10:13

ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

22 أيث-كورينث 9:13

صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.

1 أيث-سلونيك 5:24

ونِّي إِي ذَاوم د يتْڒَاغَان ذَايس تِّقث، ذ نتَّا إِي كنِّيو غَا يسِّيوْضن غَار مَانَايَا.

2 أيث-سلونيك 3:3

وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

يعيبرانيين 11:11

س لْإِيمَان سَارَا س يِيخف نّس يمُّوْش-اَس جّْهذ اَذ تيْسِي اَعدِّيس وَاخَّا نتَّاث ثْنُوْمْغَار، مِينْزِي ثكَّر نتَّاث ثْحسّب ونِّي إِي ت يوعْذن ذَايس تِّقث.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 4:14

إِذن نشِّين أَ نطّف مْلِيح ذِي لْإِيمَان نّغ إِي خف نْشهّذ مِينْزِي غَارْنغ يجّن ن ڒفْقِي اَمقّْرَان يمْغر يُوْذف ذݣ يجنَّاثن يعْذُو-ثن، نتَّا ذ عِيْسَى مِّيس ن أَربِّـي.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

ثبرات غار يعقوب 1:6

وَلَكِن مَانَايَا يتْخصَّا-يَاس اَذَاس ث يتَّار س لْإِيمَان بْڒَا مَا ٱذ يشكّ ڒَاحقَّاش ونِّي يتْشكَّان يݣَّا اَم ڒْمُوْجث ن ڒبْحَر يسْهَاجَا-ت اَرِّيح يتَاوِي-ت يتَارَّا-ت-يد.

لواحي ن يوحنا 3:11

أَقَا ؤُسِيغ-د وَار تْعطَّاڒغ شَا. طّف ذِي لْإِيْمَان نّش حمَا وَار د يتِيس حَدّ اَش ييْسِي تَّاج نّش.