يعيبرانيين 10:21 - ثريفيث 2020

^21-22 غَارْنغ يجّن ن ڒفْقِي اَمقّْرَان يمْغَار نتَّا يحكّم خ ثدَّارْث ن أَربِّـي. عْلَاحْسَاب ڒفْقِي-يَا إِي غَارْنغ، أَ نْقَارّبث غَار أَربِّـي س يِجّن ن وُوْڒ ذ اَشمْڒَاڒ ذ يِجّن ن تِّقث ثجْهذ. عَاوذ ؤُڒَاون نّغ اَذ يڒِين تْوَارُوْشّن بَاش ضَّمِير نّغ اَذ يتْوَاسِّيصْفَا وَار يتْعدِّيب شَا س ڒْمُعْصِيّث. أُو عَاوذ دَّات نّغ اَذ تِيڒِي تْوَاسِيڒذ س وَامَان يصْفَان.

يعيبرانيين 10:21 Խաչաձեւ Հղումներ

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 8:1

إِيوَا، مِين يدْجَان مُهِم ذِي مِين نقَّار؟ يعْنِي يجّن ن ڒفْقِي اَمقّْرَان اَم ونِّي إِي خف نسِّيوڒ اَقَاث غَارْنغ نشِّين. ئِقِّيم نتَّا خ وفُوْسِي ن لْعَرْش ن أَربِّـي سُبْحَانَا وَتَعَالَى ذݣ وجنَّا.

يعيبرانيين 6:20

ذݣ ومْشَان نِّي يُوْذف عِيْسَى ذِنِّي ذ اَمزْوَارُو عْلَاحْسَاب نشِّين، ئِذْوڒ ذ ڒفْقِي اَمقّْرَان إِ ڒبْدَا اَمشْنَاو لْفِرْقَا نِّي ن ڒفْقِي ؤُمِي قَّارن مَلِكِيصَادِق.

يعيبرانيين 7:26

شُوْف، ئِجّن ن ڒفْقِي اَمقّْرَان اَم وَانِيتَا ذ نتَّا إِي نحْذَاج. نتَّا عَظِيم، بْڒَا ڒْعِيب، ئِصْفَا، ئِنعْزڒ زݣ يِوْذَان إِي ݣِّين ڒْمُعْصِيّث، ئِتْوَاسمْغَار يُوْعْڒَا خ يجنَّاثن.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:18

نش عَاوذ اَقَا قَّارغ-اَش: شك ذ بُطْرُس، يعْنِي ذ <اَزْرُو.> خ وزْرُو-يَا اَذ بْنِيغ نش جْمَاعث ن ڒْمُوْمِنِين ينُو، ثِوُوْرَّا ن لْجَحِيم وَار زَّايس تِيوِينْت وَالُو!