يعيبرانيين 10:1 - ثريفيث 2020

¹ شُوْف، شَّرِيعَا ن مُوْسَى نتَّاث غِير ذ يجّن ن ثِيڒِي ن ثْمسْڒَايِين ثِصبْحَانِين إِي د غَا يَاسن، وَار ثدْجِي شَا نتَّاث ذ ثِمسْڒَايِين نِّي ذ صَّح. خ مَانَايَا، دْبِيحَاث نِّي ن شَّرِيعَا إِي تݣّن زِي لْعَام غَار لْعَام وَار زمَّرنْت عمَّارْص اَذ سِّيصْفَانْت يِنِّي يتْقَارَّابن غَار أَربِّـي اَذ يڒِين بْڒَا ڒْعِيب.

يعيبرانيين 10:1 Խաչաձեւ Հղումներ

يعيبرانيين 8:5

يِيْنَا خدّْمن شّْغڒ نْسن ذݣ يِجّن ن ثمْزِيذَا نتَّاث اَم يِجّن ن ثِيڒِي يتمْشَابَّاهن ذِي مِين يدْجَان ذݣ وجنَّا. خ مَانَاينِّي أَربِّـي يعْڒم إِ مُوْسَى وَامِي يبْذَا يسْبدَّا اَقِيْضُوْن نِّي اَمقّْرَان ينَّا-ٱس: <فكَّر بَاش اَذ تݣّذ مَارَّا مِين ذَاش خَطّغ ذِي لْخَرِيطَا نِّي ذݣ وذْرَار.>

يعيبرانيين 9:11

فَا لْمَسِيح وَامِي د يحْضَار ذ ڒفْقِي اَمقّْرَان ن ثْمسْڒَايِين-أَ إِي د يُوْسِين، يعْنِي يُوْذف اَقِيضُوْن نِّي يدْجَان عَظِيم وَار ذَاس ينْقِيس وَالُو وَار ث بْنِين شَا يفَاسّن ن بْنَاذم، وَار يدْجِي شَا زِي مِين د يتْوَاخڒْقن ذِي دُّنشْت-أَ.

أيث-كولوس 2:17

مَارَّا ثِمسْڒَايِين-أَ نِثنْتِي اَم ثِيڒِي وَاهَا ن ثْمسْڒَايِين نِّي إِي د غَا يَاسن، ثِمسْڒَايِين نِّي ن صَّح ن لْمَسِيح.

يعيبرانيين 9:23

إِذن، ثِمسْڒَايِين-أَ يتْشَابَّاهن ذِي ثْمسْڒَايِين نِّي ن وجنَّا تُوْغَا تْوَاسِّيصْفَانْت س دْبِيحَاث. وَلَكِن ثِمسْڒَايِين نِّي س يِيخف نْسنْت ن وجنَّا لَّا؛ تْوَاسِّيصْفَانْت نِثنْتِي س يِجّن ن نُّوْع ن دْبِيحَاث حْسن زِي ثِنِّي نّغْنِي.

يعيبرانيين 9:25

وَار يُوْذِيف شَا ذݣ وجنَّا بَاش اَذ يتْقدَّام يخف نّس اَطَّاس ن ثْوَاڒَاثِين اَمشْنَاو مَامش يتݣّ ڒفْقِي نِّي اَمقّْرَان خْمِي يتَاذف كُڒ لْعَام غَار وخَّام اَمْقدّس اَطَّاس س يذَامّن مَاشِي نّس.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

يعيبرانيين 7:11

إِذن، مَعْلِيك شّْغڒ نِّي إِي خدّْمن ڒْفُقَهَا ن أَيث-لَاوِي وَار ذَاس ينْقِيس وَالُو، مَايمِّي عَاذ تُوْغَا غَا نحْذَاج اَذ د يَاس يجّن ن ڒفْقِي نّغْنِي اَمشْنَاو لْفِرْقَا ن مَلِكِيصَادِق، مَاشِي زِي لْفِرْقَا نِّي عَادِي ن هَارُوْن ن أَيث-لَاوِي؟