أيث-ݣلاطيا 6:12 - ثريفيث 2020

¹² يِنِّي يرزُّوْن اَذ فْتَخَرن زِي دَّات، يعْنِي مِين وَار يدْجِين شَا زِي أَرُّوْح يقدّْسن، نِثْنِي تْبسَّاڒن خَاوم بَاش اَذ تݣّم طَّهَارث ن مُوْسَى. مَايمِّي؟ غِير رزُّوْن نِثْنِي وَار تْعدِّيبن شَا خ سَّبَاب ن صَّلِيب ن لْمَسِيح.

أيث-ݣلاطيا 6:12 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:27

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو اَمشْنَاو يمضْڒَان يبيّْضن س جِّير. تْمظْهَارن صبْحَان غَار بَارَّا، وَلَكِن نِثْنِي شُّوْرن غَار ذَاخڒ س يِخْسَان ذ مَارَّا مِين يَرشَّان.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:28

أَمنِّي كنِّيو إِي تْمظْهَارم إِ يِوْذَان نِيشَان إِي ثدْجَام غَار بَارَّا، وَلَكِن غَار ذَاخڒ ثشُّوْرم س نِّفَاق ذ ڒْمُعْصِيَاث.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:5

مَارَّا مِين تݣّن حمَا اَغَارْسن خْزَرن يِوْذَان: تݣّن ڒحْرُوْز ذ يمقّْرَانن، اَرنِّين ثِيشْڒُوڒِين إِ يزدْجَابن نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:10

سَّعْذ نْسن إِ يِنِّي يتْوَاعدَّابن خ سَّبَاب ن مِين يدْجَان نِيشَان، أَقَا ڒْمُلْك ن وجنَّا إِ نِثْنِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:16

خْمِي غَا ثْࢲُوْمّم، وَار تݣّم شَا اَمشْنَاو مَامّش تݣّن لْمُنَافِقِين. تْخيَّاقن حمَا مَارَّا يوْذَان اَثن سّْنن بلِّي ࢲُوْمّن. أَقَا تسْڒَام ڒْحَقّ: أَتَاف وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:2

عْلَاحْسَاب مَانَايَا، خْمِي غَا ثْصدّْقذ إِ شَان ن يِجّن، وَار زَّايس تْبرَّاح شَا ذِي ڒْبُوْق اَمشْنَاو مَامّش تݣّن لْمُنَافِقِين ذِي ثمْزِيذَاوِين ذ زْنَاقِي بَاش اَزَّايسن سمْغَارن يِوْذَان. أَقَا تسْڒَام ڒْحَقّ: وَار غَارْسن يتِيڒِي بُو لْأَجَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:5

خْمِي غَا ثࢲَّادْجم، وَار تِيڒِيم شَا اَم لْمُنَافِقِين إِي تخْسن اَذ ࢲَّادْجن اَمن بدّن ذِي ثمْزِيذَاوِين ذ ثْغمُّوْرَا ن زْنَاقِي حمَا اَثن ࢲرن يِوْذَان. أَقَا تسْڒَام ڒْحَقّ: وَار غَارْسن يتِيڒِي بُو لْأَجَار.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

لوقا 20:47

تتّن ثَاجَّاڒِين، سْمظْهَارن-د يخف نْسن تْࢲَادْجَان اَطَّاس حمَا اَذ بيّْنن إِ يِوْذَان بلِّي نِثْنِي صبْحن اَطَّاس زَعْمَا. يِيْنَا، لْحِسَاب نْسن اَذ يِيڒِي يقْصح اَطَّاس!"

يوحنا 7:18

ونِّي يسَّاوَاڒن زِي غَارس يرزُّو لْعَظَمَا إِ يِيخف نّس. ونِّي يرزُّون لْعَظَمَا ن ونِّي إِي ثِيذ يسّكّن، قَا نتَّا ذَايس لْحَقِيقَا وَار ذَايس بُو ڒْغشّ.

ڒخذايم 15:1

ؤُسِينْ-د شَا ن يرْيَازن زِي يَهُوْذِيَا سڒْمَاذن اَيثْمَاثْنغ ذݣ وَانْطَاكْيَا نَّان-اَسن: "وَار ثْزمَّرم شَا اَذ تْنجْمم إِلَّا مڒَا ثݣِّيم طَّهَارث عْلَاحْسَاب شَّرِيعَا ن مُوْسَى."

ڒخذايم 15:5

وَلَكِن كَّرن شَان ن ڒْمُوْمِنِين ڒْحِزب نْسن زݣ يفَرِّيسِيْين نَّان: ئِتْخصَّا وَا لَابُد اَذ طهَّارن يِنِّي وَار يدْجِين شَا زِي أَيث-إِسْرَائِيل، أَثن ثْوصَّام اَذ طَاعن إِ شَّرِيعا ن مُوْسَى.

22 أيث-كورينث 10:12

شُوْف، وَار نْزمَّر أَ نْقَرَن يخف نّغ نِغ أَ نْمثّل يخف نّغ اَك يِنِّي يتْشكَّارن إِ يِيخف نْسن. يِيْنَا خْمِي تْميَّازن يخف نْسن اَك وَايَاوْيَا نِغ تْمثَّالن يخف نْسن اَك وَايَاوْيَا يعْنِي ذَايْسن ڒقْفَاڒث.

22 أيث-كورينث 11:13

شُوْف، يرْيَازن اَم يِيْنَا تَارَّان يخف نْسن ذ اَرُّسُل خدّْمن ذ يغدَّارن، سْنعْمِيڒن ذ اَرُّسُل ن لْمَسِيح.

أيث-ݣلاطيا 2:14

وَامِي ثن ࢲْرِيغ وَار ݣُّوْرن شا نِيشَان عْلَاحْسَاب لْحَقِيقَا إِي يدْجَان ذِي لإِنْجِيل، نِّيغ-اَس إِ بُطْرُس زَّاثْسن مَارَّا: شك ذ اَئِسْرَائِيلِي وَلَكِن تْعِيشذ اَمشْنَاو ييُوْنَانِيْين، يعْنِي مَاشِي اَمشْنَاو اَئِسْرَائِلِي. مَامّش غَا ثݣّذ اَذ تْزيَّارذ خ ييُوْنَانِيْين بَاش اَذ عِيشن اَمشْنَاو يسْرَائِيلِيْين؟

أيث-ݣلاطيا 2:3

تِيتُوْس يدْجَان ذ اَمْعَاشَر ينُو، وَاخَّا نتَّا ذ اَيُوْنَانِي وَار خَاس زيَّارن شَا حمَا اَذ يݣّ طَّهَارث.

أيث-ݣلاطيا 5:11

آي أَيثْمَا، نش مَعْلِيك عَاذ سڒْمَاذغ طَّهَارث ن مُوْسَى زَعْمَا، إِيوَا مَايمِّي عَاذ ذَايِي تْعدَّابن نِثْنِي؟ مَعْلِيك لَابُد طَّهَارث-أَ، أَتَاف صَافِي وَار يتِيڒِي بُو وحݣَّار ن صَّلِيب.

أيث-ݣلاطيا 6:13

شُوْف، يِنِّي يتݣّن طَّهَارث نِثْنِي س يِيخف نْسن وَار تْطِيعِين شَا إِ شَّرِيعَا نْسن. رزُّوْن كنِّيو اَذ تݣّم طَّهَارث بَاش اَذ فْتَخَارن بلِّي ثݣِّيم لْعَادَا نْسن ذِي دَّات نْوم.

أيث-فيليـپـي 1:15

ذ صَّح ذِنِّي ڒبْعَاض تْبشَّارن س لْمَسِيح س ڒحْسذ ذ لْعَدَاوَا، أُو ذِنِّي ڒبْعَاض تْبشَّارن نِيشَان س ڒْخَاضَر نْسن.

أيث-فيليـپـي 2:4

ئِتْخصَّا كُڒ يجّن زَّايْوم وَار يخزَّر شَا مِين ث يتْهِيمَان وَاهَا. ئِتْخصَّا-ث عَاوذ اَذ يخْزَر مِين يتْهِيمَان إِ يِنّغْنِي.

أيث-فيليـپـي 3:18

لِأَنَّا ذِنِّي اَطَّاس ن يِنِّي يݣُّوْرن ذ ڒْعَذْيَان خ صَّلِيب ن لْمَسِيح. أَوَاڒ-أَ نِّيغ-اَوم-ث زِي قْبڒ، ڒخُّو تْعَوَاذغ-اَوم-ث س يمطَّاون ينُو.

أيث-كولوس 2:23

ذ صَّح، تْغِيڒ-اَسن إِ يِوْذَان لْقَوَانِين نِّي اَم ذَايْسن ڒفْهَامث زَعْمَا خ سَّبَاب ن لْوَاجِب ن لْعِبَادَا نْسن ذ دِّين نْسن يقْسح أُو عَاوذ مشْحَاڒ تْزيَّارن خ دَّات ن بْنَاذم. وَلَكِن لْقَوَانِين-أَ وَار تْعِيوِينن ؤُڒَا ذ يجّن ن بْنَاذم بَاش وَار يتْسِيعِّيف شَا شّهَوَاث ن دَّات نّس.