أيث-ݣلاطيا 5:19 - ثريفيث 2020

¹⁹ ڒخْذَايم ن طَّبِيعَا ثَعفَّانْت نّغ اَقَا تْبَاننْت-يد يعْنِي لْفَسَاذ ذ مِين يسخْنِيزن ذ ڒقْبَاحث،

أيث-ݣلاطيا 5:19 Խաչաձեւ Հղումներ

يوحنا 3:6

مِين يتْوَاخڒْقن زِي دَّات، نتَّاث ذ دَّات. مِين يتْوَاخڒْقن زِي أَرُّوْح ن أَربِّـي، نتَّا ذ أَرُّوْح.

أيث-روما 7:18

نش طَّبِيعَا ثَعفَّانْت ينُو سّْنغ وَار ذَايس ثزْذِيغ ؤُڒَا ذ يجّن ن ثْمسْڒَايْث ذ ثَصبْحَانْت. لِأَنَّا رزُّوْغ اَذ ݣّغ ثِمسْڒَايِين ثِصبْحَانِين، وَلَكِن وَار زمَّرغ اَثنْت ݣّغ.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

أيث-روما 8:5

شُوْف، يِنِّي يتْعِيشن عْلَاحْسَاب طَّبِيعَا ثَعفَّانْت نْسن خدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن. وَلَكِن يِنِّي يتْعِيشن عْلَاحْسَاب اَبْرِيذ ن اَرُّوْح خدّْمن س ڒْخَاضَر نْسن ذِي ثْمسْڒَايِين ن اَرُّوْح.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

1 أيث-كورينث 6:18

اَروْڒث زِي لْفَسَاد. كُڒ ڒْمُعْصِيّث نّغْنِي إِݣ يتݣّ بْنَاذم اَذ تِيڒِي غَار بَارَّا ن دَّات نّس. ونِّي يتݣّن لْفَسَاد يعصَّا دَّات نّس نِّيث.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-ݣلاطيا 5:17

لِأَنَّا مِين ثْرزُّو طَّبِيعَا ثَعفَّانْت نّغ نتَّا ضد ن مِين يرزُّو أَرُّوْح يقدّْسن. أُو اَمنِّي مِين يرزُّو أَرُّوْح يقدّْسن نتَّا ضد ن مِين ثْرزُّو طَّبِيعَا ثَعفَّانْت نّغ. تْعَارَّاضن إِ وَايَاوْيَا سّنِّي وَار تݣّم شَا ثِمسْڒَايِين-أَ إِي ثخْسم اَذ تݣّم.

أيث-ݣلاطيا 6:8

ونِّي إِي غَا يزرْعن مِين ثخْس طَّبِيعَا ثَعفَّانْت نّس اَزَّايس يمْجَار مِين يفنَّان. ونِّي إِي غَا يزرْعن مِين يخس أَرُّوْح يقدّْسن اَزَّايس يمْجَار ثُوْذَارْث ن ڒبْدَا.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.