أيث-ݣلاطيا 5:15 - ثريفيث 2020

¹⁵ وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

أيث-ݣلاطيا 5:15 Խաչաձեւ Հղումներ

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

ثبرات غار يعقوب 3:14

وَلَكِن مڒَا ذَايْوم ڒحْسذ ذ اَعفَّان ذ لْأَنَانِيَا، وَار تفْتَخَارث شَا س يِيخف نْوم. يعْنِي يتْخصَّا-يَاوم كنِّيو وَار ثسْخرِّيقم شَا خ لْحَقِيقَا.

22 أيث-كورينث 11:20

أَقَا ثْصبَّرم ؤُڒَا ذ يِنِّي إِي كنِّيو يتَارَّان ذ يسمْغَان، ذ يِنِّي إِي كنِّيو يتتّن، ذ يِنِّي إِي خَاوم يتْبُوْصَرن، ذ يِنِّي إِي ذِي يدْجَا تَّكبُّر، ذ يِنِّي إِي كنِّيو يشَّاثن س يسقِّيڒن.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

أيث-فيليـپـي 3:2

حْضَام يخف نْوم زݣ يقْزِينن نِّي، يعْنِي يرْيَازن نِّي يتݣّن شَّرّْ يتْحجَّامن إِ بْنَاذم.

أيث-ݣلاطيا 5:20

ذ لْعِبَادَا ن لْأَصْنَام ذ سّْحُوْر ذ لْعَدَاوَا ذ ؤُمنْغِي ذ لْغِيرَا ذ ؤُغْضَاب ذ لْأَنَانِيَا ذ لْخِلَافَاث ذ لْأَحْزَاب،

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

مرقس 3:25

ثَدَّارْث إِي ذِي تْمنْغَان اَيثْبَاب نّس يجّن اَك ونّغْنِي وَار ثْزمَّر اَذ تقِّيم.