أيث-ݣلاطيا 4:19 - ثريفيث 2020

¹⁹ آ ثَارْوَا ينُو، كسِّيغ خَاوم يجّن ن ومْنُوْس عَاوذ اَمشْنَاو ڒحْرِيق ن ثَارْوَا حتَّا ٱڒ د يخْڒق لْمَسِيح ذَايْوم!

أيث-ݣلاطيا 4:19 Խաչաձեւ Հղումներ

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

أيث-ؤفسوس 4:13

أَڒ غَا نِيڒِي مَارَّا ذ يجّن ذِي لْإِيمَان أُو ذِي ثُوْسْنَا خ مِّيس ن أَربِّـي. أَڒ غَا نِيڒِي مَارَّا عَاوذ نمْغر يعْنِي ذ يرْيَازن اَم ڒَعْبَر نِّي يكْمَاڒ ن ڒْقدّْ ن لْمَسِيح.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-ؤفسوس 4:24

اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.

أيث-فيليـپـي 2:5

أَرَّاي نْوم يتْخصَّا اَذ يِيڒِي اَم اَرَّاي ن عِيْسَى لْمَسِيح.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

ثبرات غار فليمون 1:10

تتَّارغ-شك خ وَانِيسَامُو ونِّي يدْجَان اَم ممِّي، أَرِّيغ-ث نش ذ مِّي وَامِي تُوْغَاث اَكِذِي ذِي ڒحْبس.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 2:1

شُوْف، خْسغ اَذ تسّْنم مشْحَاڒ تَاحْڒغ ذِي ڒْخذْمث-أَ عْلَاحْسَاب كنِّيو ذ يِنِّي يدْجَان ذِي ثنْذِينْت ن لَاوْدُكْيَا ذ مَارَّا يِنِّي عمَّارْص مَا ࢲْرِين اَغمْبُوْب ينُو.

أيث-فيليـپـي 2:17

نش فَرّْحغ اَكِذْوم س يِجّن ن ڒفْرَاحث مَعْلِيش مڒَا فرّْغن-اَيِي-د وَاهَا اَم يِجّن ن صّذْقث ن يذَامّن خ دْبِيحث نْوم إِي تْقدَّامم كنِّيو س لْإِيمَان نْوم.

أيث-فيليـپـي 1:8

أَتَاف أَربِّـي ذ شَّاهذ ينُو مشْحَاڒ إِي كنِّيو تْوحَّاشغ س لْحَنَانَا ن عِيْسَى لْمَسِيح.

1 يوحنا 5:21

آ يحنْجِيرن، حْضَام يخف نْوم زِي لْأَصْنَام.

1 يوحنا 2:12

آ يحنْجِيرن، نش ؤُرِيغ-اَوم-د ڒَاحقَّاش ڒْمُعْصِيَاث نْوم تْوَاغْفَرنْت-اَوم س يِيْسم نّس.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

ثبرات غار فليمون 1:19

قَا نش ذ بُوْلُس تَارِيغ مَانَايَا س وفُوْس ينُو: أَذَاش ث خدْجْسغ نش. بْڒَا مَا ٱذَاش ينِيغ قَا تَّارْسغ-اَش ؤُڒَا ذ ثُوْذَارْث نّش.

1 تيموتاوس 1:2

تَارِيغ ثَبْرَات-أَ إِ تِيْمُوْتَاوُس ونِّي إِي يدْجَان اَم ممِّي ذ صَّح ذِي لْإِيمَان. أَكِذش يِيڒِي اَرْضَا ذ اَرَّاحْمث ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

لوقا 22:44

ئِخيّق وُوْڒ نّس يَرْنِي يتْࢲَادْجَا كْتَر عَاذ، ثِيذِي نّس ثهْوَا-د زَّايس غَار ثْمُوْرْث ثݣَّا اَم ثْنقِّيضِين ن يذَامّن نِيشَان.

22 أيث-كورينث 12:14

ڒخُّو اَقَايِي وجْذغ اَغَارْوم د اَسغ ذِي زِّيَارَا وِيس ثْڒَاثَا، وَار خَاوم تْبسِّيڒغ شَا، وَار رزُّوْغ شَا خ وَاݣْڒَا نْوم رزُّوْغ خَاوم كنِّيو. ڒَاحقَّاش وَار يتْخصِّي شَا يحنْجِيرن اَذ سْمُوْنن اَݣْڒَا إِ لْوَلِدِين نْسن، ئِتْخصَّا لْوَلِدِين نْسن إِي غَا يسْمُوْنن اَݣْڒَا إِ يحنْجِيرن.

1 أيث-سلونيك 2:7

وَلَكِن لَّا، نشِّين نْخدّم اَكِذْوم س تَّوَاضُع اَم ثمْغَارْث اَك ثَارْوَا نّس.

3 يوحنا 1:4

فَرّْحغ اَطَّاس س وَاطَّاس وَار زمَّرغ اَذ اَرْنِيغ خْمِي تسْڒِيغ ثَارْوَا ينُو ݣُّوْرن نِيْشَان خ وبْرِيذ ن لْحَقِيقَا.