أيث-ݣلاطيا 4:15 - ثريفيث 2020

¹⁵ إِيوَا، مَانِيس ثكَّا ڒفْرَاحث نِّي تُوْغَا غَارْوم؟ أَقَا شهّْذغ خَاوم بلِّي مَعْلِيك تُوْغَا ثْزمَّرم، إِڒِي ثْقڒْعم-د ثِيطَّاوِين نْوم ثُوْشِيم-اَيِي-ثنْت.

أيث-ݣلاطيا 4:15 Խաչաձեւ Հղումներ

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-كولوس 4:13

نش شهّْذغ خَاس يربّڒ خَاوم مْلِيح ذ يِنِّي عَاوذ يدْجَان ذِي ثنْدِينْت ن لَاوْدُكْيَا ذ يِنِّي يدْجَان ذِي ثنْدِينْت ن يِيرَاپُـلِيس.

1 أيث-سلونيك 5:13

ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا.

1 أيث-سلونيك 2:8

أَمُّو إِي نتْهلَّا ذَايْوم نتْخس-يكنِّيو. نْفَرح وَامِي نْشَرش اَكِذْوم لْإِنْجِيل ذ ثُوْذَارْث نّغ مِينْزِي ثْعِيزَّم خَانغ اَطَّاس.

أيث-ݣلاطيا 6:4

لَّا، لَابُد مْكُڒ يجّن اَذ يرَاجع نِّيث ڒخْذَايم نّس، ثُمَّا اَتَاف اَذ يفْتَخَر نِيشَان أُو بْڒَا مَا ٱذ يشَابّه يخف نّس ذݣ ومْعَاشَر نّس.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 4:19

آ ثَارْوَا ينُو، كسِّيغ خَاوم يجّن ن ومْنُوْس عَاوذ اَمشْنَاو ڒحْرِيق ن ثَارْوَا حتَّا ٱڒ د يخْڒق لْمَسِيح ذَايْوم!

أيث-ݣلاطيا 3:14

س عِيْسَى لْمَسِيح ثهْوَا-د لْبَرَكَا نِّي إِي زِي تُوْغَا ث يوْعذ أَربِّـي إِ بْرَاهِيم ثُوْوض غَار ڒݣْنُوْس، حمَا س لْإِيمَان اَذَانغ يمُّوْش أَرُّوْح يقدّْسن إِي زِي ذَانغ يوْعذ.

22 أيث-كورينث 8:3

أَقَا نش شهّْذغ صدّْقن س مِين زمَّرن اَذ ؤُشن، قَا ذ صَّح صدّْقن كْتَار زِي مِين زمَّرن. ݣِّين مَانَايَا س ڒْخَاضَر نْسن وَاحذْسن،

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 10:2

نش شهّْذغ خَاسن رزُّوْن اَذ ݣّن لْوَاجِب اَك أَربِّـي، وَلَكِن وَار سِّينن شَا اَذ ݣّن لْوَاجِب.

لوقا 8:13

زَّرِّيعث نِّي إِݣ يوْضَان جَار يِزْرَا نتَّاث اَم يِوْذَان إِي تسْڒَان إِ وَاوَاڒ ن أَربِّـي، قبْڒن-ث س ڒفْرَاحث. وَامِي وَار ؤُوْثِين بُو يࢲوْرَان مْلِيح ذغْيَا تْنقْڒَاعن. تَامْنن زَّايس غِير ذݣ يِجّن ن ڒْوقْث وَاهَا، ذِي ڒْوقْث ن ڒمْحَاين ذغْيَا تفّْغن اَبْرِيذ.

أيث-ݣلاطيا 4:14

ڒهْڒَاش نِّي ينُو يُوْوِي-اَوم-د يجّن ن تَمَارَا. وَاخَّا اَمنِّي وَار ذَايِي ثْحݣَّارم شَا وَار ذَايِي ثْسحْقَارم شَا. لَّا، ثْرحْبم زَّايِي غَارْوم اَم يِجّن زِي لْمَلَائِكَاث ن أَربِّـي نِغ اَم عِيْسَى لْمَسِيح س يِيخف نّس.

أيث-ݣلاطيا 4:16

مَا ڒخُّو نش ذ ڒْعَذُو نْوم وَامِي ذَاوم نِّيغ لْحَقِيقَا نِيشَان؟