أيث-ݣلاطيا 4:14 - ثريفيث 2020

¹⁴ ڒهْڒَاش نِّي ينُو يُوْوِي-اَوم-د يجّن ن تَمَارَا. وَاخَّا اَمنِّي وَار ذَايِي ثْحݣَّارم شَا وَار ذَايِي ثْسحْقَارم شَا. لَّا، ثْرحْبم زَّايِي غَارْوم اَم يِجّن زِي لْمَلَائِكَاث ن أَربِّـي نِغ اَم عِيْسَى لْمَسِيح س يِيخف نّس.

أيث-ݣلاطيا 4:14 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:40

ونِّي كنِّيو يقبّْڒن، أَتَاف يقْبڒ-اَيِي. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن.

1 أيث-سلونيك 2:13

نشِّين نتْشكَّر أَربِّـي خَاوم بْڒَا مَا ٱ نْبدّ وَامِي ثْقبْڒم اَوَاڒ نّس إِي ذَاوم د نْسِيْوض. ثْقبْڒم-ث مَاشِي اَم وَاوَاڒ ن يِوْذَان، ثْقبْڒم-ث اَم وَاوَاڒ ن أَربِّـي نِيشَان. ئِخدّم وَاوَاڒ-أَ عَاوذ ذَايْوم كنِّيو إِي يُوْمْنن.

يعيبرانيين 13:2

وَار تتُّوْث شَا اَذ تْرحّْبم زِي مِدّن مِينْزِي ڒبْعَاض إِي ݣِّين مَانَاينِّي تْرحَّابن زِي لْمَلَائِكَاث بْڒَا مَا ثنْت سّْنن.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

1 أيث-سلونيك 4:8

فَلِيهَذَا ونِّي يتَاݣِين اَذ يذْفَار ڒُوْصِيّث-أَ ثَانِيتَان اَتَاف مَاشِي يتَاݣِي إِ بْنَاذم، ئِتَاݣِي إِ أَربِّـي ونِّي إِي ذَاوم د يتِيشّن أَرُّوْح نّس يقدّْسن.

أيث-ݣلاطيا 4:13

أَقَا ثسّْنم بلِّي نش تْبشَّارغ-كنِّيو س لْإِنْجِيل ذ اَمزْوَارُو عْلَاحْسَاب يجّن ن ڒهْڒَاش ذ لْمَرَض ذِي دَّات ينُو.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

1 أيث-كورينث 1:28

ئِخْضَر أَربِّـي ونِّي غَار يدْجَا لْأَصل نّس ذ اَمزْيَان ذ مِين يتْوَاعِيفَّان، ئِخْضَر حتَّا ذ ثِمسْڒَايِين وَار يدْجِين شَا بَاش اَذ يسْبطّڒ ثِمسْڒَايِين نِّي إِي يدْجَان.

يوحنا 13:20

أَقَا تسْڒَام ڒْحَقّ: ونِّي يقبّْڒن ونِّي إِي د غَا سّكّغ، أَقَا يقْبڒ-اَيِي. ونِّي ذَايِي يقبّْڒن، أَقَا يقبّڒ ؤُڒَا ذ ونِّي إِي ذَايِي د يسّكّن."

لوقا 10:16

ينَّا-ٱسن عِيْسَى إِ يمحْضَارن نّس: "ونِّي يتْسْڒَان إِ وَاوَاڒ نْوم، أَتَاف يتْسْڒَا-يَايِي إِ نش. ونِّي وَار كنِّيو يقْبِيڒن شَا، أَتَاف ؤُڒَا ذ نش وَار ذَايِي يقْبِيڒ شَا. ونِّي وَار ذَايِي يقْبِيڒن شَا نش، أَتَاف وَار يقْبِيڒ شَا ونِّي ذَايِي د يسّكّن."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:40

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش.

أَسڒْمذ ن سِيذِيثْنغ عِيْسَى لْكِتَاب ن مَتَّى 18:5

ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ݣلاطيا 4:15

إِيوَا، مَانِيس ثكَّا ڒفْرَاحث نِّي تُوْغَا غَارْوم؟ أَقَا شهّْذغ خَاوم بلِّي مَعْلِيك تُوْغَا ثْزمَّرم، إِڒِي ثْقڒْعم-د ثِيطَّاوِين نْوم ثُوْشِيم-اَيِي-ثنْت.