أيث-ݣلاطيا 3:5 - ثريفيث 2020

⁵ إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.

أيث-ݣلاطيا 3:5 Խաչաձեւ Հղումներ

ڒخذايم 14:3

بُوْلُس ذ بَرْنَابَا قِّيمن ذِنِّي اَطَّاس ن ڒْوقْث تْبشَّارن س سِيذِيثْنغ س يِجّن ن زْعَامث. يݣَّا سِيذِيثْنغ لْمُعْجِيزَاث ذ لْبُرْهَانَاث خ يفَاسّن ن بُوْلُس ذ بَرْنَابَا بَاش اَذ يسْبيّن اَوَاڒن نِّي إِي تْبشَّارن خ اَرْضَا ن سِيذِيثْنغ ذ صَّح.

أيث-روما 10:17

فَلِهَذَا، لإِيمَان يتَاس-د زِي مِين نتْسْڒَا، أُو مِين نْتسْڒَا نتَّا ذ اَوَاڒ ن لْمَسِيح.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

22 أيث-كورينث 10:4

ڒسْنَاح نّغ مَاشِي اَم ونِّي إِݣ يسْخدَّام بْنَاذم، غَارْنغ يجّن ن ڒسْنَاح نّغ زِي سِيذِي أَربِّـي زَّايس إِي نتْرزَّا يمُوْشَان يجهْذن.

22 أيث-كورينث 12:12

ثِمسْڒَايِين نِّي إِي د يسْبِيَّانن نش ذ اَرَّسُوْل إِي دْجِيغ نِثنْتِي تُوْغَا تْوَاخڒْقنْت-يد جَارَاوم س يِجّن ن صّْبَر ذ اَمقّْرَان، يعْنِي لْعَلَامَاث ذ لْمُعْجِزَاث ذ لْبُرْهَانَاث.

22 أيث-كورينث 13:3

مَايمِّي؟ لِأَنَّا ثْرزُّوْم دَّلِيل لْمَسِيح يسَّاوَاڒ زَّايِي. مَا يضْعف نتَّا ذِي ڒْوسْط نْوم؟ لَّا، ئِجْهذ جَارَاوم.

22 أيث-كورينث 3:8

ڒخُّو ڒْعَهذ رُوْحِيَا، لْعَظَمَا نّس كْتَار اَطَّاس زِي شَّرِيعَا نِّي!

22 أيث-كورينث 9:10

ونِّي إِݣ يفرّْقن زَّرِّيعث إِ وفدْجَاح نِّي إِݣ يزرّْعن ئِتِيشّ-اَس عَاوذ ؤُڒَا ذ اَغْرُوْم إِي غَا يشّ، أَتَاف نتَّا عَاوذ اَذَاوم يَرْنِي ذِي زَّرِّيعث نِّي إِي ثْزرّْعم اَذ يسمْغَار مِين ثْمجَّارم زِي صَّذَاقَا-يَا نْوم.

أيث-ݣلاطيا 3:2

أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس.

أيث-فيليـپـي 1:19

لِأَنَّا سّْنغ خْمِي تتَّارم خَافِي إِ أَربِّـي ذ اَرُّوْح ن سِيذِيثْنغ عِيْسَى لْمَسِيح يتْعَوَان-اَيِي اَتَاف مِين ذَايِي يتوْقِيعن اَذ يذْوڒ ذ اَسفْڒث ينُو.