أيث-ݣلاطيا 3:29 - ثريفيث 2020

²⁹ مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.

أيث-ݣلاطيا 3:29 Խաչաձեւ Հղումներ

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-ݣلاطيا 3:7

فَلِيهَذَا، فهْمث كنِّيو بلِّي يِنِّي يُوْمْنن نِثْنِي ذ ثَارْوَا ن بْرَاهِيم.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.

أيث-ݣلاطيا 4:7

خ مَانَايَا ڒخُّو شك مَاشِي ذ يسْمغ، شك ذ مِّيس. وَامِي شك ذ مِّيس، أَزَّايس ثْوَارْثذ زِي أَربِّـي.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

22 أيث-كورينث 10:7

كنِّيو ثْخزَّرم غَار مِين د يتْبَانن خ وُوْذم وَاهَا. مڒَا شَان يِجّن متْأَكّد نتَّا زِي لْمَسِيح أُو لَابُد اَذ يفكَّر ؤُڒَا ذ نشِّين زِي لْمَسِيح أَم نتَّا.

يعيبرانيين 6:17

خ مَانَايَا يضْمن أَربِّـي مَانَاينِّي س يِجّن ن ثْجَادْجِيث إِ يِنِّي إِي غَا يوَارْثن مِين زِي ثن يوْعذ. يعْنِي يخس اَذَاسن د يسظْهَار مْلِيح طَّبِيعَا ن لْغَرَض نّس عمَّارْص اَذ تْوَابدّڒ.

أيث-ݣلاطيا 3:16

أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.

يعيبرانيين 11:18

تُوْغَا ينَّا-ٱس قَا س إِسْحَاق إِي زِي غَا تْوَاحسّب دُّوْرِّيث نّش.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.

يعيبرانيين 1:14

لْمَلَائِكَاث، نِثنْتِي مِين عْنَانْت؟ نِثنْتِي ذ اَرُّوْحَاث تْوَاسّكّنْت-يد اَذ سخَّارنْت إِ يِنِّي إِي غَا يوَارْثن اَسنْجم.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:9

مَاشِي اَذ تِينِيم ذِي نّفْس نْوم قَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِيم، أَتَاف اَذ ييْسِي يزْرَا-يَا اَثن يَرّ ذ ثَارْوَا ن بْرَاهِيم!

أيث-ݣلاطيا 3:18

شُوْف، لْوَارث مَعْلِيك يتِيشّ-يث أَربِّـي اَك شَّرِيعَا ن مُوْسَى، أَتَاف وَار ث يتِيشّ شَا اَك ڒْعَهذ نّس إِ بْرَاهِيم. وَلَكِن لَّا، لْوَارث نِّي يوْعذ-يث أَربِّـي إِ بْرَاهِيم س يِجّن ن ڒْعَهذ.

أيث-ݣلاطيا 4:1

إِيوَا، مِين خْسغ اَذَاوم ينِيغ؟ ونِّي إِي غَا يوَارْثن شَان ثْمسْڒَايْث نتَّا عَاذ ذ اَمزْيَان، ئِتْوَاحْسَاب نتَّا اَم يجّن ن يِسْمغ وَاخَّا اَتَاف نتَّا ذ بَاب ن كُڒْشِي.

أيث-ݣلاطيا 6:16

مَارَّا يِنِّي يݣُّوْرن خ مِين تْوصِّيغ نش ذِي ڒُوْصِيْيث-أَ اَتَاف اَغَارْسن يِيڒِي ڒهْنَا ذ اَرَّحْمث اَك شَّعْب ن أَربِّـي.