أيث-ݣلاطيا 3:18 - ثريفيث 2020

¹⁸ شُوْف، لْوَارث مَعْلِيك يتِيشّ-يث أَربِّـي اَك شَّرِيعَا ن مُوْسَى، أَتَاف وَار ث يتِيشّ شَا اَك ڒْعَهذ نّس إِ بْرَاهِيم. وَلَكِن لَّا، لْوَارث نِّي يوْعذ-يث أَربِّـي إِ بْرَاهِيم س يِجّن ن ڒْعَهذ.

أيث-ݣلاطيا 3:18 Խաչաձեւ Հղումներ

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

أيث-ݣلاطيا 2:21

نش ؤُݣِيغ اَذ سْبطّْڒغ اَرْضَا ن أَربِّـي. شُوْف، مَعْلِيك بْنَاذم يمصْڒَاح اَك أَربِّـي س شَّرِيعَا ن مُوْسَى، أَتَاف يمُّوْث لْمَسِيح خ ڒْبَاطڒ وَاهَا.

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ݣلاطيا 3:12

وَلَكِن اَبْرِيذ ن شَّرِيعَا ن مُوْسَى وَار يدْجِي شَا اَم وبْرِيذ ن لْإِيمَان ڒَاحقَّاش شَّرِيعَا تْوصَّا: <كُڒ يجّن يخدّْمن س ڒُوْصِيَاث-أَ ذ لْقَوَانِين-أَ يتْخصَّا اَزَّايْسن يعِيش.>

أيث-ݣلاطيا 3:16

أَمنِّي عَاوذ ڒْعَهذ نِّي يعْنِي لْوُعُوْد إِي ذَاس يُوْشَا أَربِّـي إِ بْرَاهِيم ذ وَايَّاو نّس. لْكِتَاب وَار يقَّار شَا <أَيَّاون نّس>، يعْنِي اَطَّاس إِذْسن. لَّا، يقَّار <أَيَّاو نّس>، يعْنِي يجّن ن بْنَاذم أُو نتَّا ذ لْمَسِيح.

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 3:29

مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.