أيث-ݣلاطيا 3:17 - ثريفيث 2020

¹⁷ فَا نش، مِين رزُّوْغ اَذ ينِيغ؟ يعْنِي شَّرِيعَا ن مُوْسَى ثُوْسَا-د اَرْبعْمِيَّا أُو ثْڒَاثِين سْنَا منْبَعْد إِ ڒْعَهذ-أَ اَك بْرَاهِيم. شَّرِيعَا نِّي وَار ثْزمَّر شَا اَذ تسْبطّڒ ڒْعَهذ-أَ اَك بْرَاهِيم إِݣ يݣَّا أَربِّـي. يعْنِي مِين يوْعذ أَربِّـي إِ بْرَاهِيم وَار ث تَارِّي شَا شَّرِيعَا نِّي ذ ڒْبَاطڒ.

أيث-ݣلاطيا 3:17 Խաչաձեւ Հղումներ

22 أيث-كورينث 1:20

لِأَنَّا نتَّا ذَايس إِي يقَّار أَربِّـي <وَاه> إِ مَارَّا ثِمسْڒَايِين إِي يعَاهذ أَربِّـي. س مَانَايَا زِي عِيْسَى نقَّار <آمِين> إِ لْعَظَمَا ن أَربِّـي.

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

أيث-كولوس 2:4

قَّارغ-اَوم مَانَايَا بَاش وَار د يتِيس حَدّ اَكنِّيو يشْمث س وَاوَاڒ نّس اَذَاوم يسْنعْمِيڒ ذ صَّح.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

أيث-ݣلاطيا 3:15

آي أَيثْمَا، أَذَاوم ؤُشغ يجّن لْمِثَال زِي لْعَادَاث نّغ. لْوَصِيَا، نتَّاث مڒَا ثُوْرَا ثضْبع، وَار يزمَّر حَدّ اَت يسْبطّڒ نِغ اَذَايس يَرْنِي شَان ن ڒْحَاجث.

1 أيث-كورينث 1:17

لِأَنَّا لْمَسِيح وَار ذَايِي د يسّكّ شَا حمَا اَذ طهَّارغ إِ يِوْذَان س وَامَان؛ لَّا، نش يسّكّ-اَيِي-د اَذ بشَّرغ س لْإِنْجِيل وَلَكِن مَاشِي س ڒفْهَامث نِّي ن وَاوَاڒن يزوّْقن. مَايمِّي؟ بَاش جّْهذ إِي يدْجَان ذِي صَّلِيب ن لْمَسِيح وَار يتْبطِّيڒ شَا.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.

1 بطرس 1:20

أُو نتَّا يتْوَاخْضَر قْبڒ مَا د تْوَاخْڒق دُّنشْت-أَ، وَلَكِن يسْمظْهَار-يث-يذ أَربِّـي ذِي زْمَان-أَ اَنݣَّارُو خ سَّبَاب نْوم.

يعيبرانيين 11:13

يِيْنَا مَارَّا مُّوْثن ذِي لْإِيمَان نِّي نْسن قْبڒ مَا ذَاسن د اَوْضنْت ثْمسْڒَايِين نِّي إِي زِي ثن يوْعذ. وَلَكِن ࢲْرِين-ثنْت رحّْبن زَّايْسنْت زِي ڒݣّْوَاج، عْتَرْفن بلِّي نِثْنِي ذ يبَرَّانِيْين ذ يعزَّابن ذِي ثْمُوْرْث-أَ.

يعيبرانيين 7:18

ڒُوْصِيّث نِّي ذ ثَقْذِينْت ثتْوَابدّڒ وَامِي ثتْوَاحْسَاب ثضْعف بْڒَا نّْفَع.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-ݣلاطيا 3:21

إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي.

22 أيث-كورينث 9:6

فكَّرث، ونِّي غَا يزرْعن ذْرُوْس اَذ يمْجَار ذْرُوْس. ونِّي غَا يزرْعن اَطَّاس اَذ يمْجَار اَطَّاس.

1 أيث-كورينث 10:19

مِين خْسغ نش اَذ ينِيغ؟ مَا قَّارغ بلِّي لْمَكْلَا نِّي يتْقدَّامن إِ لْأَصْنَام نتَّاث ذ شَا ن ڒْحَاجث؟ نِغ قَّارغ بلِّي لْأَصْنَام نِثْنِي ذ شَا ن ڒْحَاجث؟

1 أيث-كورينث 7:29

فَا آي اَيثْمَا، مِين رزُّوْغ اَذ ينِيغ؟ ڒْوقْث اَقَا ثْقَارّب-د. سَّا ٱڒ ثْسَاونْت يِنِّي يمڒْشن اَذ عِيشن اَخْمِي وَار مْڒِيشن شَا،

1 أيث-كورينث 1:12

يعْنِي، ئِجّن يقَّار نش ذفَّارغ بُوْلُس. ئِجّن يقَّار نش ذفَّارغ أَپُّــوْلُّوْس. ئِجّن يقَّار نش ذفَّارغ بُطْرُس. ئِجّن يقَّار نش ذفَّارغ لْمَسِيح.

أيث-روما 3:25

أَربِّـي يقدّم-يث ذ لْفِدْيَا حمَا اَذ تْوَاغْفَارنْت ڒْمُعْصِيَاث س يذَامّن نّس، يعْنِي إِ يِنِّي يقبّْڒن مَانَاينِّي س لْإِيمَان نْسن. س مَانَاينِّي يسْمظْهَار-د أَربِّـي ڒْحَقّ نّس. نتَّا تُوْغَا يصبَّار، وَار ت يُوْوِي شَا ذِي ڒْمُعْصِيَاث نِّي إِي يعْذُوْن،

ڒخذايم 7:6

أَمُّو إِي ذَاس ينَّا أَربِّـي: دُّوْرِّيث نّش اَذ عِيشن ذِي ثْمُوْرْث ن مِيدّن، أَذ يڒِين ذ يسمْغَان ن أَيثْبَاب ن ثْمُوْرْث نِّي، أَخَاسن سّكّن تَمَارَا اَرْبعمِيَّا يسݣّْوُوْسَا.

أيث-ݣلاطيا 5:16

فَا نِّيغ-اَوم، تْعِيشث عْلَاحْسَاب ڒْخَاضَر ن أَرُّوْح يقدّْسن ثُمَّا وَار تْسعِّيفم شَا شّهَاوَاث ن طَّبِيعَا ثَعفَّانْت نْوم.

أيث-ؤفسوس 2:12

عقْڒث بلِّي ذِي ڒْوقْث نِّي تْبعَّاذم خ لْمَسِيح تنْعزَاڒم زِي لْجِنْسِيَا ن شَّعْب ن أَربِّـي. أَقَا كنِّيو ذ يبَرَّانِيْين عْلَاحْسَاب ثِمسْڒَايِين نِّي إِي زِي د يوْعذ أَربِّـي ذِي ڒْعُهُوْذ نّس. كنِّيو تُوْغَا ثدْجَام بْڒَا لْأَمَال بْڒَا أَربِّـي ذِي دُّنشْت-أَ.