أيث-ݣلاطيا 2:15 - ثريفيث 2020

¹⁵ نشِّين ذ يسْرَائِيلِيْين زݣ وَامِي د نخْڒق، نشِّين وَار ندْجِي شَا زِي ڒݣْنُوْس يعصَّان زَعْمَا.

أيث-ݣلاطيا 2:15 Խաչաձեւ Հղումներ

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-روما 3:9

إِيوَا نشِّين أَيث-إِسْرَائِيل، مَا لْحَالَا نّغ حْسن زݣ يِوذَان نّغْنِي؟ لَّا، عمَّارْص! ننَّا قْبڒ قَا أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل مَارَّا نݣَّا ڒْمُعْصِيّث.

أيث-فيليـپـي 3:4

إِيوَا ؤُڒَا ذ نش غَارِي سَّبَاب اَذ رَاجِيغ اَڒ لْحَسَانَات ينُو زَعْمَا. مڒَا ذِنِّي شَان يجّن غَارس سَّبَاب اَذ يرَاجَا اَڒ لْحَسَانَات نّس، أَتَاف نش غَارِي كْتَار زَّايس.

أيث-روما 4:16

س مَانَاينِّي ڒْعَهذ-أَ يبْنَا خ لإِيمَان وَاحْذس: حمَا ڒْعَهذ-أَ اَذ د يَاس زِي اَرْضَا نّس، حمَا اَث يضْمن أَربِّـي إِ مَارَّا دُّوْرِّيث ن بْرَاهِيم. أُو مَاشِي غِير ونِّي يذفَّارن شَّرِيعَا ن مُوْسَى؛ لَّا، ؤُڒَا ذ ونِّي يشَرّْشن ذِي لإِيمَان ن بْرَاهِيم. نتَّا ذ جدِّيثْنغ مَارَّا.

ڒخذايم 22:21

ينَّا-ٱيي سِيذِي: رُوْح، شك اَش سّكّغ غَار يمُوْشَان ݣّْوْجن اَطَّاس، غَار يِنِّي وَار يدْجِين شَا زِي أَيث-إِسْرَائِيل."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:11

وَامِي ࢲْرِين ڒْحِزب ن يفَرِّيسِيْين مَانَاينِّي كَّرن نَّان-اَسن إِ يمحْضَارن نّس: "مَايمِّي يتتّ لْمُعَلِّم نْوم اَك يعشَّارن ذ يِنِّي يعْصَّان؟"

لوقا 24:7

ينَّا-ٱوم قَا يتْخصَّا مِّيس ن بْنَاذم اَذ يتْوَاسلّم إِ يِنِّي يعصَّان، نِثْنِي اَث صلّْبن نتَّا اَذ د يتْوَاسكَّر ذِي نْهَار ن وِيس ثڒْتِيَّام."

أيث-ݣلاطيا 2:17

فَا نشِّين نْرزُّو أَ نمْصْڒَاح اَك أَربِّـي س لْإِيمَان زِي لْمَسِيح. مڒَا س مَانَايَا منْبَعْد نُوْفَا يخف نّغ اَم ڒݣْنُوْس يعصَّان زَعْمَا، مَا اَتَاف لْمَسِيح يتْشجَّاع-اَنغ غَار ڒْمُعْصِيّث؟ لَّا، عمَّارْص!