أيث-ݣلاطيا 1:8 - ثريفيث 2020

⁸ وَلَكِن نشِّين مڒَا نْبشَّر-يكنِّيو نِغ يبشَّر-يكنِّيو شَان ن لْمَلَاك زݣ وجنَّا س شَان ن لإِنْجِيل نّغْنِي مَاشِي س ونِّي إِي زِي كنِّيو نْبشَّر زِي قْبڒ، أَتَاف ونِّي إِي كنِّيو غَا يبشَّرن اَذ يتْوَانْعڒ!

أيث-ݣلاطيا 1:8 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

مرقس 14:71

ئِكَّر بُطْرُس يبْذَا يتْحَرّم يخف نّس يتْجَادْجَا يقَّار-اَسن: "أَرْيَاز-أَ إِي خف ثْسَّاوَاڒم نش وَار ث سِّينغ شَا!"

ڒخذايم 23:14

رُوْحن غَار اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل نَّان-اَسن: "نشِّين نوْعذ أَربِّـي نْحَرّم يخف نّغ وَار نْتتّ وَالُو اَڒ غَا نْنغ بُوْلُس نشِّين.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

1 أيث-كورينث 16:22

ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا!

أيث-ݣلاطيا 1:9

مَامّش ذَاوم ننَّا زِي قْبڒ اَذَاوم ث عَاوْذغ نش ڒخُّو: مڒَا شَان يِجّن يبشَّر-يكنِّيو س شَان لإِنْجِيل نّغْنِي مَاشِي ذ ونِّي إِي تُوْغَا ثْقبْڒم، أَتَاف اَذ يتْوَانْعڒ!

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

ثبرات غار تيتوس 3:10

ونِّي يسْمنْغَان يوْذَان اَݣ وَايَاوْيَا شك عْڒم-اَس ثْوَاڒَا ثَمزْوَارُوْت ذ وِيْس ثْنَاين ڒخْدّنِّي اَوْݣّْوج زَّايس قَاع.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.