24 سّنِّي أُوْشَا حمّْذن أَربِّـي خَافِي.
وَامِي ࢲْرِين يِوذَان مَانَاينِّي، ݣّْوْذن حمْذن أَربِّـي خ سُّلْطَا إِي ذَاسن يتِيشّ إِ يِوْذَان.
ڒخْدّنِّي يبدّ خ يضَارن نّس ييْسِي ثَاسُّوْث نّس يفّغ زَّاث إِ يِوْذَان مَارَّا. قِّيمن كُڒْشِي ذهّْشن حمّْذن أَربِّـي نَّان: "عمَّارْص مَا نࢲْرَا مَانَايَا يوْقع زِي قْبڒ."
أَذَاوم ينِيغ: أَمنِّي يجّن مڒَا يعْصَا منْبَعْد يتُوْب، أَتَاف اَكِذس فَرْحنْت لْمَلَائِكَاث ن أَربِّـي."
ڒخُّو يتْخصَّا-ٱنغ أَ نْفَرح أَ نزْهُو اَطَّاس مِينْزِي ؤُمَاش تُوْغَا يمُّوْث، ڒخُّو يدَّر. تُوْغَا يودَّار، ڒخُّو يتْوَاف."
"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."
مَارَّا ݣّْوْذن سمْغَارن أَربِّـي نَّان: "ئِمظْهَار-د جَارَانغ يجّن ن نَّبِي ذ اَمقّْرَان. أَربِّـي يفْقذ شَّعْب نّس!"
يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"
صَّذَاقَا-يَا ثُوْشَا دَّلِيل خَاوم، زَّايس إِي غَا حمْذن صَّالِحِين أَربِّـي. ثُوْمْنم س لْإِنْجِيل ن لْمَسِيح، ثْطَاعم-اَس خْمِي تْصدَّاقم اَطَّاس خَاسن أُو خ مَارَّا يوْذَان.
مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.
نْتتَّار-اَس مَانَايَا بَاش يسم ن سِيذِيثْنغ عِيْسَى اَذَايْوم يتْوَاسمْغَار، أَذَايس تْوَامْغَارم عَاوذ كنِّيو عْلَاحْسَاب اَرْضَا ن أَربِّـي نّغ ذ سِيذِيثْنغ عِيْسَى لْمَسِيح.
