30 لِأَنَّا نشِّين ذ طْرُوْفَاث ن دَّات نّس.
مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!
أَمنِّي إِي ندْجَا ؤُڒَا ذ نشِّين. وَاخَّا نشِّين اَطَّاس إِي إِذْنغ أَقَانغ مَارَّا إِذْنغ ذ يجّن ن دَّات ذِي لْمَسِيح، كُڒ طَّارْف يتحْذَاجَا ونّغْنِي.
جْمَاعث-أَ نتَّاث إِي يدْجَان ذ دَّات ن لْمَسِيح أُو زَّايس نتَّاث إِي يشُّوْر يِيخف نّس أُو ذ نتَّا إِي يشُّوْرن مَارَّا ذِي مِين ذِي مَا.
بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.
شُوْف، عمَّارْص وَار يدْجِي حَدّ يتْعِيفَّا دَّات نّس: لَّا، ئِتْذبَّر-د خَاس يتْحَوَاڒ خَاس. أَمنِّي إِي يتݣ لْمَسِيح اَك جْمَاعث ن ڒْمُوْمِنِين.
